ବଜ୍ରାଘାତରେ ଯୁବକଙ୍କ ମୃତ୍ୟୁ

ରାୟଗଡାରେ ବଜ୍ରାଘାତରେ ଚାଲିଗଲା 21 ବର୍ଷୀୟ ଯୁବକଙ୍କ ଜୀବନ । ସ୍ଥାନୀୟ ଅଞ୍ଚଳରେ ଶୋକାକୂଳ ପରିବେଶ । ଅଧିକ ପଢନ୍ତୁ

ରାୟଗଡା: ଆଜି(ମଙ୍ଗଳବାର) ସନ୍ଧ୍ୟାରେ ପ୍ରବଳ ପବନ ସହ ଘନଘଡି ବର୍ଷା ଅନୁଭୂତ ହୋଇଛି ରାୟଗଡାର ଗୁଣୁପୁର ବ୍ଲକରେ । ପ୍ରବଳ ତାତିରେ ଜନଜୀବନ ଆଶ୍ବସ୍ଥି ପାଇଥିଲେ ମଧ୍ୟ ଏକ ଅଘଟଣ ଘଟିଯାଇଛି ପୂଜାରୀପୁଟ ଗ୍ରାମରେ । ଗ୍ରାମର ଜଣେ ଯୁବକଙ୍କ ଘଡଘଡିରେ ମୃତ୍ୟୁ ଘଟିଥିବା ଜଣାପଡିଛି ।

ମୃତକ ଜଣକ କରୁଣାକର କୁମ୍ଭାର(21) ବୋଲି ଜଣାପଡିଛି । କରୁଣାକର ଜମିରେ କାମ ସାରି ଘରକୁ ଫେରୁଥିବା ସମୟରେ ବଜ୍ରାଘାତରେ ସେଠାରେ ପଡି ଯାଇଥିଲେ । ଖବର ପାଇ ସ୍ଥାନୀୟ ଅଗ୍ନିଶମ ବାହିନୀ ପହଞ୍ଚି ଗୁଣୁପୁର ସଦର ହସ୍ପିଟାଲରେ ଭର୍ତ୍ତି କରିଥିଲା । ମାତ୍ର ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି ।

ରାୟଗଡାରୁ ରଞ୍ଜନ ରଥ, ଇଟିଭି ଭାରତ