ରାୟଗଡ଼ା: ଏଡସ୍ ନିରାକରଣ ଏବଂ ଆକ୍ରାନ୍ତଙ୍କ ଥଇଥାନ ପାଇଁ ସରକାର କରିଛନ୍ତି ଅନେକ ଯୋଜନା । ହେଲେ ସବୁ ଯୋଜନା ସତେ ଯେମିତି ବାଟ ହୁଡିଛି ରାୟଗଡା ଜିଲ୍ଲାରେ । ଏହାର ନିଚ୍ଛକ ଚିତ୍ର ଦେଖିବାକୁ ମିଳିଛି ଜିଲ୍ଲାର ସଦର ମହକୁମାର କେନ୍ଦ୍ରସ୍ଥଳରେ ବାସ କରୁଥିବା ଏକ ପରିବାରଙ୍କ କ୍ଷେତ୍ରରେ ।
ଡିସେମ୍ବର 1 ବିଶ୍ଵ ଏଡସ ଦିବସ । ଏହି ଦିନରେ ଏଭଳି ଏକ ପରିବାରକୁ ଭେଟିଥିଲା ଆମ ଇଟିଭି ଭାରତ ଟିମ । ପରିବାର କହିଲେ ବାପା ମାଆ ସହିତ ଦୁଇ ସନ୍ତାନ । 2007 ମସିହାରେ ପରିବାର ମୁଖିଆଙ୍କୁ ଏଡସ ହୋଇଥିବା ଜଣାପଡିଥିଲା । ତାଙ୍କ ଚିକିତ୍ସା ସମୟରେ ତାଙ୍କ ସ୍ତ୍ରୀ ଏବଂ 19 ବର୍ଷର ପୁଅକୁ ମଧ୍ୟ ଏଡସ ହୋଇଥିବା ଜଣାପଡିଲା । ଦରିଦ୍ର ସୀମାରେଖା ତଳେ ଥିବା ଏହି ପରିବାର ଚିକିତ୍ସା ଅଭାବରୁ ପୁଅର ପଢାରେ ଡୋରି ବନ୍ଧା ହୋଇଥିଲା । ହେଲେ ଏଯାଏଁ ଏହି ପରିବାରକୁ ନା ମିଳିଛି ମୁଣ୍ଡ ଗୁଞ୍ଜିବାକୁ ଖଣ୍ଡିଏ ଘର ନା ବିପିଏଲ ଭଳି ଖଣ୍ଡିଏ କାର୍ଡ ।
ଫେଲ୍ ମାରିଛି ଏଡସ୍ ସହାୟତା ଯୋଜନା, ବଢୁଛନ୍ତି ଏଡସ୍ ରୋଗୀ