ରାୟଗଡା:ଆଜି(ଗୁରବାର) ପଞ୍ଚାୟତ ନିର୍ବାଚନର ଶେଷ ପର୍ଯ୍ୟାୟ ବା ପଞ୍ଚମ ପର୍ଯ୍ୟାୟ । ଭୋଟ ଦେଉଛି ରାଜ୍ୟର 25 ଜିଲ୍ଲା । ସେହି କ୍ରମରେ ରାୟଗଡାର ଗୁଡାରି ଏବଂ ପଦ୍ମପୁର ବ୍ଲକରେ ସକାଳ 7ଟାରୁ ମତଦାନ ଚାଲିଛି । ଶେଷ ପର୍ଯ୍ୟାୟ ନିର୍ବାଚନରେ ପଦ୍ମପୁର ବ୍ଲକର 2ଟି ଏବଂ ଗୁଡାରି ବ୍ଲକର ଗୋଟିଏ ଜିଲ୍ଲା ପରିଷଦ ଆସନ ପାଇଁ ଚାଲିଛି ଭୋଟ ଗ୍ରହଣ ପ୍ରକ୍ରିୟା ।
ଶେଷ ପର୍ଯ୍ୟାୟ ନିର୍ବାଚନ :ରାୟଗଡାରେ ଶାନ୍ତିଶୃଙ୍ଖଳାର ସହ ମତଦାନ ଜାରି
ଏହି ଦୁଇ ବ୍ଲକରେ 261ଟି ବୁଥ ରହିଥିବା ବେଳେ ସର୍ବମୋଟ 69 ହଜାର 343 ଭୋଟର ନିଜର ମତ ସାବ୍ୟସ୍ତ କରୁଛନ୍ତି । 261ଟି ବୁଥ ମଧ୍ୟରୁ 42ଟି ସମ୍ବେଦନଶୀଳ ଏବଂ 12ଟି ଅତିସମ୍ବେଦନଶୀଳ ବୁଥ ରହିଥିବାରୁ ସୁରକ୍ଷାକୁ ଦୃଷ୍ଟିରେ ରଖି ବ୍ୟାପକ ପୋଲିସ ମୁତୟନ କରାଯାଇଛି ।