ରାୟଗଡା: ୧୮ ରୁ ୪୪ ବର୍ଷ ଯୁଗବର୍ଗଙ୍କୁ ଟୀକାକରଣ ଅଭିଯାନର ଶୁଭାରମ୍ଭ କରିଛନ୍ତି ଜିଲ୍ଲାପାଳ ସରୋଜ କୁମାର ମିଶ୍ର । ସ୍ଥାନୀୟ UGMIT ପରିସରରେ ଅନୁଷ୍ଠିତ ଟୀକାକରଣ କେନ୍ଦ୍ରରେ ଜିଲ୍ଲାପାଳ ପହଞ୍ଚି ଏହି ଅଭିଯାନର ଶୁଭାରମ୍ଭ କରିଥିଲେ । ପ୍ରଥମ ପର୍ଯ୍ୟାୟରେ ରାୟଗଡ଼ା ପୌର ପରିଷଦ ପାଇଁ ୬ ହଜାର ଡୋଜ୍ ଟିକା ଆସିଥିବା ବେଳେ ପ୍ରଥମ ଦିନରେ ୨ ହଜାର ଡୋଜ୍ ପଞ୍ଜିକରଣ କରିଥିବା ଯୁବବର୍ଗଙ୍କୁ ପ୍ରଦାନ କରାଯାଇଛି।
ରାୟଗଡାରେ ଆରମ୍ଭ ହେଲା ଯୁବବର୍ଗଙ୍କୁ ଟୀକାକରଣ
ସେହିପରି ୮ ଏବଂ ୯ ତାରିଖରେ ପଞ୍ଜିକରଣ କରିଥିବା ଅନ୍ୟ ୨ ହଜାର ଲେଖାଁଏ ଯୁବବର୍ଗଙ୍କୁ ଟୀକାକରଣ କରାଯିବ । ଜିଲ୍ଲା ସଦର ମହକୁମାର ୧୦ଟି କେନ୍ଦ୍ରରେ ଟୀକାକରଣ କେନ୍ଦ୍ର ଖୋଲାଯାଇଛି । UGMIT, ରାୟଗଡ଼ା ସ୍ବଂୟ ଶାସିତ ମହାବିଦ୍ୟାଳୟ, ଅଶୋକ କଲ୍ୟାଣ ମଣ୍ଡପ, ମହିଳା ମହାବିଦ୍ୟାଳୟ, ଦୀପ୍ତି କନଭେଣ୍ଟ୍, ଜିସିଡି ଜିଲ୍ଲା ହାଇସ୍କୁଲ, ସେଞ୍ଚୁରିଆନ ପବ୍ଲିକ ସ୍କୁଲ, ଜିଆଇଏସିଆର, ଏନଭିଆର ଓ ବ୍ରାହ୍ମଣ ସାହି ସ୍କୁଲରେ କେନ୍ଦ୍ର ଖୋଲିଛି।