ରାୟଗଡ଼ା: ଦୋରାଗୁଡ଼ା ଠାରେ ଥିବା ଉତ୍କଳ ଆଲୁମିନା କାରଖାନାରେ ଦେଖାଦେଇଛି ଉତ୍ତେଜନା । ବିସ୍ଥାପିତ ଘୋଷଣା ଦାବିରେ ଅଡ଼ି ବସିଛନ୍ତି ଗ୍ରାମବାସୀ । ଉତ୍କଳ ଆଲୁମିନା କାରଖାନା ପରିସରରେ ମୁହାଁମୁହିଁ ହୋଇଛନ୍ତି ଗ୍ରାମବାସୀ ଏବଂ ପୋଲିସ ।
ଏପରିକି ଆନ୍ଦୋଳନକାରୀଙ୍କ ପଥର ମାଡ଼ରେ କମ୍ପାନୀ ଗାଡ଼ି ଏବଂ କଣ୍ଟ୍ରୋଲ ରୁମ ଭାଙ୍ଗି ଚୁରମାର ହୋଇଯାଇଛି । ଫଳରେ ପରିସ୍ଥିତି ନିୟନ୍ତ୍ରଣକୁ ଆଣିବା ପାଇଁ ପୋଲିସକୁ ଲାଠି ଚାଳନା କରିବାକୁ ପଡ଼ିଛି । ଭଙ୍ଗାରୁଜାକାରୀଙ୍କ ମଧ୍ୟରୁ ୧୪ ଜଣଙ୍କୁ ଦୋରାଗୁଡ଼ା ପୋଲିସ ଗିରଫ କରିଥିବାବେଳେ ୨୦ ଜଣକୁ ଅଟକ ରଖିଛି । ଉତ୍ତେଜନାକୁ ଦୃଷ୍ଟିରେ ରଖି ଘଟଣାସ୍ଥଳରେ ୧୪୪ ଧାରା ଜାରି କରାଯିବା ସହ ୪ ପ୍ଲାଟୁନ ପୁଲିସ ଫୋର୍ସ ମୁତୟନ କରାଯାଇଛି ।
ଉତ୍କଳ ଆଲୁମିନାରେ ଉତେଜନା, ପୋଲିସ-ଜନତା ମୁହାଁମୁହିଁ