ରାୟଗଡା: ସ୍କୁଲ ବାରଣ୍ଡାରୁ ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର ହୋଇଛି । ଘଟଣା ଘଟିଛି ରାୟଗଡା ସହରସ୍ଥିତ ପିଏଚଡି କଲୋନୀରେ ଥିବା ଉଚ୍ଚ ପ୍ରାଥମିକ ବିଦ୍ୟାଳୟ ବାରଣ୍ଡାରେ । ମୃତବ୍ୟକ୍ତିଙ୍କ ପରିଚୟ ସହ ମୃତ୍ୟୁର କାରଣ ମଧ୍ୟ ଅସ୍ପଷ୍ଟ ରହିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ରାୟଗଡା
ମୃତ ବ୍ୟକ୍ତି ଜଣକ ନିକଟସ୍ଥ ଶିବ ମନ୍ଦିରରେ ଭିକ୍ଷାବୃତ୍ତି କରି ଚଳିବା ସହ ଦୀର୍ଘ ଦିନ ଧରି ବନ୍ଦ ହୋଇ ପଡିରହିଥିବା ଏହି ସ୍କୁଲ ବାରଣ୍ଡାରେ ରହୁଥିଲେ । ମଙ୍ଗଳବାର ସକାଳେ ସ୍ଥାନୀୟ ଲୋକେ ସ୍କୁଲ ବାରଣ୍ଡାରେ ମୃତଦେହ ପଡିଥିବାର ଖବର ପୋଲିସକୁ ଦେଇଥିଲେ । ମୃତକଙ୍କ ହାତ ଓ ମୁଣ୍ଡରେ କ୍ଷତବିକ୍ଷତ ହୋଇଥିବା ବେଳେ ପୋଲିସ ଏକ ଅପମୃତ୍ୟୁ ମାମଲା ରୁଜୁ କରିଛି ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ