ରାୟଗଡ଼ା:ଜିଲ୍ଲାରେ ପହଞ୍ଚିଲେ କେନ୍ଦ୍ର ରେଳ ମନ୍ତ୍ରୀ ଅଶ୍ୱିନ ବୈଷ୍ଣବ । ଆଜି(ଶୁକ୍ରବାର) ଭୋରରୁ ହୀରାଖଣ୍ଡ ଯୋଗେ ରାୟଗଡରେ ପହଞ୍ଚିବା ପରେ ଭାରତୀୟ ଜନତା ଦଳ, ଜିଲ୍ଲାପ୍ରଶାସନ ଏବଂ ରେଳ ବିଭାଗ ପକ୍ଷରୁ ବ୍ୟାପକ ସ୍ୱାଗତ ସମ୍ବର୍ଦ୍ଧନା ଦିଆଯାଇଛି ।
ରାୟଗଡାରେ ରେଳ ମନ୍ତ୍ରୀ, ଷ୍ଟେସନରେ ଦିଆଗଲା ବିପୁଳ ସ୍ବାଗତ ସମ୍ବର୍ଦ୍ଧନା
ରେଳ ମନ୍ତ୍ରୀ ଅଶ୍ୱିନ ବୈଷ୍ଣବଙ୍କ ସମେତ ରାଜ୍ୟ ସମ୍ପାଦକ ଗୋଲକ ମହାପାତ୍ର, ବିଜେପି ନେତା ଭୃଗୁ ବକ୍ସି ପାତ୍ର ରାୟଗଡରେ ପହଞ୍ଚିଛନ୍ତି । ଏହାପରେ ଅଶ୍ୱିନ ବୈଷ୍ଣବଙ୍କ ଏକ ଦଳୀୟ ଶୋଭାଯାତ୍ରାରେ ଯାଇ ରାୟଗଡ଼ାର ଅଧିଷ୍ଠାତ୍ରୀ ଦେବୀ ମା' ମଝିଘରିଆଣିଙ୍କ ଦର୍ଶନ କରିବେ । ଏହାପରେ ସହରର ସ୍ଥାପିତ ବରପୁତ୍ରମାନଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟାର୍ପଣ କରିବାର କାର୍ଯ୍ୟକ୍ରମ ରହିଛି । ସର୍କିଟ ହାଉସ ଠାରେ PMAY ହିତାଧିକାରୀମାନଙ୍କ ସହ ଆଲୋଚନା କରିବେ ।