ରାୟଗଡା: ଗୁଣପୁର ବନ ବିଭାଗ ପାଟ୍ରୋଲିଂ କରୁଥିବା ସମୟରେ ହାତୀ ଦାନ୍ତ ଜବତ ସହ ଦୁଇ ଜଣଙ୍କୁ ଗିରଫ କରିଛନ୍ତି । ରାୟଗଡା ଜିଲ୍ଲା ଗୁଡାରୀ ରେଞ୍ଜର ପଦ୍ମପୁର ତହସିଲ ହସ୍ତିନାପୁର ନିକଟ ଏକ କାଜୁ ତୋଟାରୁ ଦୁଇଟି ହାତୀ ଦାନ୍ତ ଜବତ କରିଛି ବନ ବିଭାଗ କର୍ମଚାରୀ ।
ଜବତ କରାଯାଇଥିବା ହାତୀ ଦାନ୍ତ ଦୁଇଟିର ଓଜନ ୩ କେଜି ୭୦ ଗ୍ରାମ ଓ ୩ କେଜି ୩୧୦ ବୋଲି ଜଣାପଡିଛି । ଗିରଫ ଦୁଇ ଜଣ ହେଲେ ପଦ୍ମପୁର ତହସିଲର କିନ୍ଦ୍ରାଗୁଡା ଗାଁର ଜାକବ ମାଝୀ ଓ ଡେରିଗାଁର ପଦ୍ମନ କାଡ୍ରାକା । ଆସନ୍ତାକାଲି(ମଙ୍ଗଳବାର) ସେମାନଙ୍କୁ କୋର୍ଟ ଚାଲାଣ କରାଯିବ ବୋଲି ସୂଚନା ଦେଇଛନ୍ତି ବନ ବିଭାଗ ଅଧିକାରୀ ଗଙ୍ଗାଧର ମିଶ୍ର ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
