ରାୟଗଡା:ତ୍ରିସ୍ତରୀୟ ପଞ୍ଚାୟତ ନିର୍ବାଚନ ବର୍ଜନ ସହ ନାମାଙ୍କନ ଦାଖଲ କରିବ ନାହିଁ ଆଦିବାସୀ ସମାଜ । ରାୟଗଡା ଜିଲ୍ଲା କାଶୀପୁର ବ୍ଲକରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ଦେଖାଦେଇଛି ସମସ୍ୟା । ଏହି ବ୍ଲକର ୩ଟି ଜିଲ୍ଲା ପରିଷଦ ଆସନ ମଧ୍ୟରୁ ଗୋଟିଏ ବି ଆଦିବାସୀଙ୍କ ପାଇଁ ସଂରକ୍ଷଣ ହୋଇ ନ ଥିବାରୁ ତୀବ୍ର ପ୍ରତିବାଦ କରିଛି ଆଦିବାସୀ ସମାଜ ।
ତ୍ରିସ୍ତରୀୟ ପଞ୍ଚାୟତ ନିର୍ବାଚନ ବର୍ଜନ ସହ ନାମାଙ୍କନ ଦାଖଲ କରିବନି ଆଦିବାସୀ ସମାଜ
ସାମ୍ବାଦିକ ସମ୍ମିଳନୀରେ ଏହିଭଳି ଉପେକ୍ଷାକୁ ନିନ୍ଦା କରିବା ସହ ଆଗାମୀ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ବର୍ଜନ କରିବା ସହ କୌଣସି ଆଦିବାସୀ ଏଥିରେ ଭାଗ ନେବେ ନାହିଁ ବୋଲି ଘୋଷଣା କରାଯାଇଛି । ଯେଉଁ ସରପଞ୍ଚ, ସମିତି ସଭ୍ୟ ପଦ ଆଦିବାସୀଙ୍କ ପାଇଁ ସଂରକ୍ଷଣ ରହିଛି ସେଥିରେ କେହି ନାମାଙ୍କନ ପତ୍ର ଦାଖଲ କରିବେ ନାହିଁ ବୋଲି ମଧ୍ୟ ସୂଚନା ଦେଇଛନ୍ତି । ଏଭଳିକି ଆସନ୍ତା ମାସ ୧ ତାରିଖ ପରେ ଯେକୌଣସି ମୂହୁର୍ତ୍ତରେ ବିରାଟ ଆନ୍ଦୋଳନ ଆରମ୍ଭ କରାଯିବ ବୋଲି ଘୋଷଣା କରାଯାଇଛି ।