ରାୟଗଡା: ପୁଟାସିଂ ଆଇଆଇସିଙ୍କୁ ବଦଳି ଦାବିରେ ଆଦିବାସୀ ମେଳି । ପୁଟାସିଂ ଥାନା ଅନ୍ତର୍ଗତ ସାଙ୍କେରି ଗ୍ରାମରେ ଗତ ଗୁରବାର ବିଳମ୍ବିତ ରାତିରେ ପୁଟାସିଂ ମହିଳା ଆଇଆଇସି ପଦ୍ମା ମୁଥୁଙ୍କୁ ନଜରବନ୍ଦୀ କରିବା ପ୍ରସଙ୍ଗ ଦିନକୁ ଦିନ ଜଟିଳ ହେବାର ଲାଗିଛି । ଏହି ଘଟଣାରେ ଆଇଆଇସିଙ୍କ ମାତ୍ରାଧିକ କାର୍ଯ୍ୟାନୁଷ୍ଠାନକୁ ବିରୋଧ କରିବା ସହ ତାଙ୍କ ବଦଳି ଦାବିରେ ସାଙ୍କିରି ଗ୍ରାମବାସୀ ଏକତ୍ରିତ ହୋଇଛନ୍ତି ।
ଗାଁ ଲୋକ ଅଭିଯୋଗ କରିଛନ୍ତି ଯେ, ଆଇଆଇସି ଓ ତାଙ୍କ ସହିତ ଅନ୍ୟ ପୋଲିସ କର୍ମଚାରୀମାନେ ଗତ ଚାରିଦିନ ଧରି ଗାଁକୁ ଯାଇ ଗଞ୍ଜେଇ ଜବତ କରିବା ଆଳରେ ବିଭିନ୍ନ ପ୍ରକାର ହଇରାଣ କରୁଥିଲେ । କେବେ ଘରର ଆସବାବ ପତ୍ର ଫୋପାଡୁଥିଲେ ତ ଆଉକେବେ ଘର ବାରିପଟେ ଖୋଳାଖୋଳି କରି ପକାଉଥିଲେ । ଘଟଣା ଦିନ ବୁଟ୍ ପିନ୍ଧି ଘର ଭିତରକୁ ପ୍ରବେଶ କରିବା ସହ ମହିଳା ମାନଙ୍କୁ ଦୁର୍ବ୍ୟବହାର କରିବା ଓ ଜଣେ ରୋଗୀ ଶୋଇଥିବା ବେଳେ ତାଙ୍କୁ ଜବରଦସ୍ତି ଉଠାଇ ଘର ବାହାରକୁ ଯିବାକୁ ଧମକାଇବା ପରେ ମହିଳା ମାନେ ଉତ୍ୟକ୍ତ ହୋଇ ଉଠିଥିଲେ ।
ପୁଟାସିଂ ଆଇଆଇସିଙ୍କୁ ବଦଳି ଦାବିରେ ଆଦିବାସୀ ମେଳି