ରାୟଗଡା: ଟ୍ରାକ୍ଟର ଟ୍ରଲି ଓଲଟି ଜଣେ ମୃତ ଓ 3 ଜଣ ଆହତ । ଏଭଳି ଘଟଣା ଘଟିଛି ରାୟଗଡା ଜିଲ୍ଲା କୋଲନରା ବ୍ଲକ ଅନ୍ତର୍ଗତ ଜେଞ୍ଜିଲିବାଡି ଗ୍ରାମ ନିକଟରେ ।
ଟ୍ରାକ୍ଟର ଟ୍ରଲି ଓଲଟି ଜଣେ ମୃତ, 3ଜଣ ଆହତ
ଘଟଣାରୁ ପ୍ରକାଶ ଯେ, ସୁରି ଗ୍ରାମର ଏକ ଟ୍ରାକ୍ଟର 4ଜଣ ଶ୍ରମିକଙ୍କୁ ଧରି ବାହାରିଥିଲା । ଗାଡ଼ିରେ ତେଲ ନଥିବାରୁ ନିକଟସ୍ଥ ଡିପୋରୁ ତେଲ ପକାଇ ଆସୁଥିବା ବେଳେ ଜେଞ୍ଜିଲିବାଡ଼ି ଗ୍ରାମ ନିକଟରେ ବିପରୀତ ଦିଗରୁ ଆସୁଥିବା ଗାଡିକୁ ବଞ୍ଚେଇବାକୁ ଯାଇ ଟ୍ରାକ୍ଟର ଡ୍ରାଇଭର ସଡ଼ନ ବ୍ରେକ ମାରିବାରୁ ଟ୍ରାକ୍ଟର ଟ୍ରଲିଟି ଓଲଟି ପଡିଥିଲା ।
ଫଳରେ ଟ୍ରଲିରେ ବସିଥିବା 4ଜଣଙ୍କ ଉପରେ ଟ୍ରଲିଟି ପଡିଯିବାରୁ ଘଟଣା ସ୍ଥଳରେ ମୁନା ହୁଇକାର ମୃତ୍ୟୁ ହୋଇଥିବା ବେଳେ କୁନି କୁମ୍ଭାରୀକା, ସିବାନୀ କାଡ୍ରକା ଓ ବାବୁରାଓ ଖମ୍ବାରିକା ଆହତ ହୋଇଛନ୍ତି ।