ରାୟଗଡା: ଗୋଟିଏ ପଟେ କୋରୋନା ଭୟ ରାଜ୍ୟବାସୀଙ୍କ ଡରାଉଥିବା ବେଳେ ରାୟଗଡା ମୁନିଗୁଡା ଟିକରପଡା ଗ୍ରାମରେ ଡେଙ୍ଗୁର ସଂକ୍ରମଣ ଚରମ ସ୍ଥିତିରେ ପହଞ୍ଚିଛି । ଗାଁ ପରେ ଏବେ ସହର ମୁହାଁ ହୋଇଛି ଡେଙ୍ଗୁ । ଟିକରପଡାରେ ୪୪ ଡେଙ୍ଗୁ ପଜିଟିଭ ବାହାରିବା ପରେ ଜିଲ୍ଲା ପ୍ରଶାସନର ନିଦ ହଜି ଯାଇଛି । ଏହା ସାଙ୍ଗକୁ ରାୟଗଡା ସହରର ୪ ଓ ୫ ନମ୍ବର ୱାର୍ଡର ହରିଜନ ସାହି, ମାରୁତି କଲୋନୀ, ଝୋଡିଆ ସାହି, ମେହେନ୍ତର ସାହି, ମେଦିରି ସାହି ଅଞ୍ଚଳରେ ଡେଙ୍ଗୁ ବ୍ୟାପିବାରେ ଲାଗିଛି ।
ଏସବୁ ଅଞ୍ଚଳରେ ୩ ଜଣ ଡେଙ୍ଗୁ ରୋଗୀ ଚିହ୍ନଟ ହୋଇଥିବାରୁ ଏବେ ଲୋକଙ୍କ ମଧ୍ୟରେ ଆତଙ୍କ ଖେଳି ଯାଇଛି । ଆକ୍ରାନ୍ତ ମାନଙ୍କୁ ଜିଲ୍ଳା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଏଠାର ସାହି ବସ୍ତିରେ ପରିମଳ ବ୍ୟବସ୍ଥା ବିପର୍ଯ୍ୟସ୍ତ ହେବା ଯୋଗୁଁ ଡେଙ୍ଗୁ ବ୍ୟାପୁଥିବା ଅଭିଯୋଗ କରିଛନ୍ତି ସ୍ଥାନୀୟ ବାସିନ୍ଦା ।
ଗ୍ରାମାଞ୍ଚଳ ପରେ ଏବେ ରାୟଗଡା ସହରରେ ଡେଙ୍ଗୁ ଆତଙ୍କ