ରାୟଗଡା: ଜିଲ୍ଲାରେ ୩୦ମିନିଟର କାଳବୈଶାଖୀ । ଉଜାଡିଦେଲା ଗୋବିନ୍ଦଚନ୍ଦ୍ର ଦେବ ପଡିଆରେ ଚାଲିଥିବା ନିର୍ବାଚନ ପ୍ରସ୍ତୁତି । ଧରାଶାୟୀ ହୋଇପଡିଲା ବଡବଡ ଗଛ । ପବନ ମାଡରେ ବହୁ ବିଦ୍ୟୁତ ଖୁଣ୍ଟ ଉପୁଡି ଭୁଇଁରେ ଲେଉଟିପଡିଛି । ଏଥିଯୋଗୁଁ ସହରର ଅଧିକାଂଶ ସ୍ଥାନରେ ବିଦ୍ୟୁତ ସରବରାହ ବିଚ୍ଛିନ୍ନ ହୋଇଯାଇଛି ।
ଭିଡିଓ ସୌଜନ୍ୟ- ସମ୍ବାଦଦାତା, ରାୟଗଡା
ସବୁକିଛି ସ୍ୱାଭାବିକ ରହିଥିଲା । ହଠାତ ସନ୍ଧ୍ୟା ୭ଟା ୪୫ ମିନଟ ସମୟରେ ଘୋଟି ଆସିଥିଲା କଳାହାଣ୍ଡିଆ ମେଘ । ପ୍ରବଳ ପବନ ସାଙ୍ଗକୁ ବର୍ଷା ଧ୍ବସ୍ତବିଧ୍ବସ୍ତ କରିଦେଇଥିଲା ସମଗ୍ର ସହରକୁ । ପବନର ବେଗ ଏତେ ପ୍ରଖର ଥିଲା ଯେ ନିର୍ବାଚନ ପାଇଁ ଜିସିଡି ପଡିଆରେ ଚାଲିଥିବା ପ୍ରସ୍ତୁତିକୁ ଛାରଖାର କରିଦେଇଛି । ପୁଲିଂ କର୍ମଚାରୀଙ୍କ ପାଇଁ ଲଗାଯାଇଥିବା ଟେଣ୍ଟକୁ ଉପାଡି ଦେଇଥିବା ବେଳେ ସେଥିରେ ଖଞ୍ଜାଯାଇଥିବା ବିଦ୍ୟୁତ ବ୍ୟବସ୍ଥା ମଧ୍ୟ ଭାଙ୍ଗିରୁଞ୍ଜି ଯାଇଥିବା ଦେଖାଦେଇଛି ।