ରାୟଗଡ଼ା: ଦିନକୁ ଦିନ ରାୟଗଡରେ କୋରୋନା ସଂକ୍ରମିତଙ୍କ ସଂଖ୍ୟା ବୃଦ୍ଧି ଘଟୁଥିବା ବେଳେ ଆଜି ପୁଣି ଜିଲ୍ଲାରେ 9 କରୋନା ଯୋଦ୍ଧାଙ୍କ ସହ 47ଜଣ ଚିହ୍ନଟ ହୋଇଛନ୍ତି ଓ ଜଣଙ୍କ ମୃତ୍ୟୁ ଘଟିଛି। ସଂକ୍ରମିତ 9ଜଣ କୋଭିଡି ଯୋଦ୍ଧାଙ୍କ ମଧ୍ୟରେ କୋଲନରା ତହସିଲଦାର, ପଦ୍ମପୁର ବ୍ଲକର ଜଣେ ସମ୍ପ୍ରସାରଣ ଅଧିକାରୀ, 5 ଜଣ ସ୍ଵାସ୍ଥ୍ୟ କର୍ମଚାରୀ ଅନ୍ତର୍ଭୁକ୍ତ।
ପଦ୍ମପୁର ଓ ଠେରୁବାଲି 3ଦିନ ପାଇଁ ସଟଡାଉନ
ଆଜି ସୁଦ୍ଧା ଜିଲ୍ଲାରେ 242 ଜଣ ସଂକ୍ରମିତ ହୋଇଥିବା ବେଳେ 138 ଜଣ ସୁସ୍ଥ ହୋଇଛନ୍ତି ଓ 2 ଜଣଙ୍କ ମୃତ୍ୟୁ ଘଟିଛି। ତେଣୁ ପ୍ରତିଷେଧକ ସ୍ୱରୂପ ପଦ୍ମପୁର ବ୍ଳକ କାର୍ଯ୍ୟାଳୟ ଓ ସହର ସମେତ ଥେରୁବାଲି ବଜାର ତିନିଦିନ ପାଇଁ ସଟଡାଉନ ଓ 7ଦିନ ପାଇଁ କୋଲନରା ତହସିଲ ବନ୍ଦ ଘୋଷଣା କରିଛି ଜିଲ୍ଲା ପ୍ରଶାସନ। ପଦ୍ମପୁର ପ୍ରଭାବିତ ଅଞ୍ଚଳ ଓ ବ୍ଲକ କାର୍ଯ୍ୟାଳୟ ବିଶୋଧନ କରାଯିବା ସହ ବ୍ୟାରିକେଟ କରାଯାଇଛି।