ରାୟଗଡା:କୋରୋନା ଯୋଗୁଁ ଅନାଥ ହୋଇଯାଇଥିବା ୪ ଶିଶୁଙ୍କ ପାଖରେ ପହଞ୍ଚିଛି ଜିଲ୍ଲା ପ୍ରଶାସନ । କୋରୋନା ମହାମାରୀ ଯୋଗୁଁ ବହୁ ଶିଶୁ ଅନାଥ ହୋଇଯାଇଥିବା ଖବର ଆସୁଥିବା ବେଳେ ରାୟଗଡା ଜିଲ୍ଲାରେ ମଧ୍ୟ ଘଟିଛି ଏଭଳି ଘଟଣା । ରାୟଗଡା ଜିଲ୍ଲା ଗୁଡାରୀ ବ୍ଲକ ଅନ୍ତର୍ଗତ ମଧୁବନ ଗ୍ରାମପଞ୍ଚାୟତର ଦୁର୍ଗମ ଆଞ୍ଚଲ ଗୁଞ୍ଜିଗୁଡା ଓ ସାନହୁମା ଗ୍ରାମପଞ୍ଚାୟତର ଲଣ୍ଡା ସିଂ ଲକ୍ଷ୍ମୀପୁର ଗ୍ରାମରେ ଦୁଇଟି ପରିବାର କୋରୋନା ଆକ୍ରାନ୍ତ ହୋଇ ମୃତ୍ୟୁବରଣ ଯୋଗୁଁ ଅନାଥ ହୋଇଯାଇଛନ୍ତି ଛୋଟ ଛୋଟ ଶିଶୁ । ଜିଲ୍ଲାପାଳ ସରୋଜ କୁମାର ମିଶ୍ରଙ୍କ ନିର୍ଦ୍ଦେଶକ୍ରମେ ଜିଲ୍ଲା ଶିଶୁ ସୁରକ୍ଷା ଅଧିକାରୀ ରମେଶ ଚନ୍ଦ୍ର ନାୟକ, ଗୁଡାରୀ ବ୍ଲକ ଶିଶୁ ବିକାଶ ଅଧିକାରୀ ପୁଷ୍ପାଞ୍ଜଳି ପଟ୍ଟନାୟକଙ୍କ ସମେତ ଜିଲ୍ଲା ସଂଯୋଜକ ରତ୍ନେଶ୍ୱର ସାହୁ ସ୍ଥାନୀୟ ସୁପରଭାଇଜର ଓ ଅଙ୍ଗନବାଡି କର୍ମୀ ପ୍ରମୁଖ ମିଳିତ ଭାବେ ଅନାଥ ହୋଇଥିବା ଶିଶୁଙ୍କ ନିକଟରେ ପହଞ୍ଚି ସରକାରଙ୍କ ଘୋଷିତ ସହାୟତା ଯୋଗାଇ ଦେଇଥିଲେ ।
ଅନାଥ ଶିଶୁଙ୍କୁ ଖାଦ୍ୟ ପ୍ରଦାନ କରିବା ସହ ସ୍ଥିତି ପରଖିଲା ଜିଲ୍ଲା ପ୍ରଶାସନ