ରାୟଗଡା: ବିନାଭକ୍ତରେ ଚାଲିଛି ଫ୍ରେଣ୍ଡସ୍ ୟୁଥ୍ ଆସୋସିଏସନ ଆନୁକୂଲ୍ୟରେ ଆୟୋଜିତ ୩୮ତମ ଦକ୍ଷିଣ କାଳୀ ଦଶ ମହାବିଦ୍ୟା ପୂଜା । ସହରସ୍ଥିତ ବ୍ଲକ କଲୋନୀ ଠାରେ ଥିବା ମାଙ୍କ ସ୍ଥାୟୀ ମନ୍ଦିରରେ ରୀତିନୀତି ତଥା ବିଧିବଦ୍ଧ ଅନୁଯାୟୀ ପୂଜାକାର୍ଯ୍ୟ ଆରମ୍ଭ ହୋଇଥିବାବେଳେ ଇତିମଧ୍ୟରେ ୫ ଦିନ ବିତି ସାରିଲାଣି ।
ବିନାଭକ୍ତରେ ଚାଲିଛି ୩୮ ବର୍ଷର କାଳୀପୂଜା
ଗତ ଦିପାବଳୀ ଦିନ ବିଲ୍ବବରଣରୁ ମା କାଳୀଙ୍କ ପୂଜାର୍ଚ୍ଚନା ଆରମ୍ଭ ହୋଇଥିଲା । ପ୍ରତିଦିନ ମାଙ୍କ ଠାରେ ନିଶିପୂଜା, ଷୋଡଶ ଉପଚାର ପୂଜା ଓ ହୋମ ଅନୁଷ୍ଠିତ ହେଉଛି । ପ୍ରଥମ ଦିନ ମା ଗୁରୁତାରା ପୂଜା, ଦ୍ବିତୀୟ ଦିନ ମା ତ୍ରିପୁରା ସୁନ୍ଦରୀ ପୂଜା, ତୃତୀୟ ଦିନ ମା ଭୁବନେଶ୍ୱରୀ ପୂଜା, ଚତୁର୍ଥ ଦିନ ମା ତ୍ରିପୁରା ଭୈରବୀ ପୂଜା, ପଞ୍ଚମ ଦିନ ଛିନ୍ନମସ୍ତା ପୂଜା, କାଲି ଷଷ୍ଠ ଦିନରେ ଦିନ ମା ଧୁମାବତୀ ପୂଜାଙ୍କ ପୁଜା ଅନୁଷ୍ଠିତ ହେବ ।