ରାୟଗଡା: ଗୁଣିଗାରେଡି ସନ୍ଦେହରେ ଦୁଇ ଭଭଣୀଙ୍କୁ ମରଣାନ୍ତକ ଆକ୍ରମଣ । ଏଭଳି ଅଭାବନୀୟ ଘଟଣା ଘଟିଛି ରାୟଗଡା ସହର ଉପକଣ୍ଠରେ ଥିବା ମାଙ୍କଡ଼ଝୋଲା ଗ୍ରାମରେ । ଜଣେ ବ୍ୟକ୍ତି ପକ୍ଷାଘାତରେ ଆକ୍ରାନ୍ତ ହୋଇ ତାଙ୍କର ମୃତ୍ୟୁ ହୋଇଥିଲା । ପରେ ସେହି ଗାଁର ଦୁଇ ଭଉଣୀ ଗୁଣିଗାରେଡି କରିଥିବା ସନ୍ଦେହରେ ଗାଁ ଲୋକେ ତାଙ୍କୁ 12 ଘଣ୍ଟା ନିର୍ଯ୍ୟାତନା ଦେବା ସହ ମରଣାନ୍ତକ ଆକ୍ରଣ କରିଛନ୍ତି ।
ଗୁଣିଆ ସନ୍ଦେହରେ ଦୁଇ ଭଉଣୀଙ୍କୁ ମରଣାନ୍ତକ ଆକ୍ରମଣ
ସୂଚନା ଅନୁଯାୟୀ, ଆଜି ସକାଳେ ସନ୍ତୋଷ ଜାନି ନାମକ ଜଣେ ବ୍ୟକ୍ତି ପକ୍ଷାଘାତରେ ଆକ୍ରାନ୍ତ ହୋଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହେବା ପରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା । ଏହାକୁ ନେଇ ଗୁଣିଆ କରିଥିବା ସନ୍ଦେହରେ ଗାଁ ଲୋକେ ଦୁଇ ମହିଳା ସବିତା ଯାନୀ, ଗାଲମା ମୁଦୁଲିଙ୍କୁ ଘର ଭିତରୁ ଟାଣି ନେଇ ନିସ୍ତୁକ ମାଡ଼ ମାରିବା ସହ ମରଣାନ୍ତକ ଆକ୍ରମଣ କରିଛନ୍ତି ।