ରାୟଗଡା:ଜିଲ୍ଲା ଅନ୍ତର୍ଗତ ୩୨୬ ନମ୍ବର ଜାତୀୟ ରାଜପଥରେ ଏକ କାର୍ ଧକ୍କାରେ ଚାଲିଗଲା ଏକ ନିଷ୍ପାପ ଶିଶୁର ଜୀବନ। ମୃତ ଶିଶୁ ଜଣକ ହେଲା ୬ ବର୍ଷୀୟ ସୁଧାଂଶୁ ସାମଲ । ନିଜ ଭଉଣୀ ସହ ରାସ୍ତା ପାର ହେବା ସମୟରେ ଏକ କାର୍ ଧକ୍କା ଦେଇଥିଲା। ଘଟଣାରେ ଉତ୍ତେଜିତ ହୋଇ ରାୟଗଡା ଥାନା ଘେରାଉ କରିଛନ୍ତି ବସ୍ତିବାସିନ୍ଦା ।
କାର୍ ଧକ୍କାରେ ଶିଶୁ ମୃତ୍ୟୁ ନେଇ ଉତ୍ତେଜନା, ଥାନା ଘେରିଲେ ବସ୍ତିବାସିନ୍ଦା
ସୂଚନାଅନୁସାରେ ଶିଶୁଟି ରାସ୍ତା ପାର ହେବା ସମୟରେ କାରଟି ପିଲାଟିକୁ ଧକ୍କା ଦେଇଥିଲା । ଫଳରେ ଶିଶୁଟି ଗୁରୁତର ଆହତ ହୋଇଥିଲେ। ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେଠାରେ ସୁଧାଂଶୁର ମୃତ୍ୟୁ ଘଟିଥିଲା। ଏହାକୁ କେନ୍ଦ୍ର କରି ଉତ୍ତେଜନା ପ୍ରକାଶ ପାଇଛି । ମୃତ ଶିଶୁ ଜଣକ ମେହନ୍ତରଙ୍କ ପୁଅ ବୋଲି ଜଣାପଡିଛି ।