ରାୟଗଡା: କୋମଳମତି ଶିଶୁ ଓ ଗର୍ଭବତୀ ମା’ଙ୍କୁ ବିଭିନ୍ନ ମାରାତ୍ମକ ରୋଗରୁ ରକ୍ଷା କରିବା ଉଦ୍ଦେଶ୍ୟରେ କେନ୍ଦ୍ର ସରକାରଙ୍କ ଦ୍ବାରା ଆରମ୍ଭ କରାଯାଇଛି ମିଶନ ଇନ୍ଦ୍ରଧନୁସ । ଏହି କାର୍ଯ୍ୟକ୍ରମର ଦ୍ଵିତୀୟ ପର୍ଯ୍ୟାୟ ତଥା ଇନ୍ଦ୍ରଧନୁସ 2.0 ଟୀକାକରଣ କାର୍ଯ୍ୟକ୍ରମ ରାୟଗଡା ଜିଲ୍ଲାରେ ଉଦଘାଟିତ ହୋଇଛି ।
ରାୟଗଡା ସିଡିଏମଓ ଡ଼ ଆର୍ତ୍ତବନ୍ଧୁ ନାୟକ ଆନୁଷ୍ଠାନିକ ଭାବେ ସ୍ଥାନୀୟ ରୟତ କଲୋନିରେ ପିଲାଙ୍କୁ ଔଷଧ ଖୁଆଇ କାର୍ଯ୍ୟକ୍ରମର ଶୁଭାରମ୍ଭ କରିଛନ୍ତି। ଜିଲ୍ଲାରେ ଟୀକାକରଣରୁ ଛାଡ ପାଇଥିବା ଶିଶୁ ଓ ଗର୍ଭବତୀ ମାଙ୍କୁ ଏଥିରେ ସାମିଲ କରାଯାଇଛି। ଏହି ଅଭିଯାନରେ ଜିଲ୍ଲାର 549ଟି ସ୍ଥାନରେ ଏହି କାର୍ଯ୍ୟକ୍ରମ ଆୟୋଜିତ ହେଉଥିବା ବେଳେ 984 ଜଣ ଶିଶୁ ଓ 191 ଜଣ ଗର୍ଭବତୀ ମହିଳାଙ୍କୁ ଟୀକା ପ୍ରଦାନର ଲକ୍ଷ୍ୟ ରହିଥିବା ପ୍ରକାଶ କରିଛନ୍ତି ଜିଲ୍ଲା ମୁଖ୍ୟ ଚିକିତ୍ସାଧିକାରୀ ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
