ରାୟଗଡା: ବିପୁଳ ପରିମାଣର ଗଞ୍ଜେଇ ଚୋରା ଚାଲାଣ କରାଯାଉଥିବାବେଳେ ଗୁଣପୁର ପୋଲିସ ହାବୁଡ଼ରେ ପଡି ଧରାପଡିଛନ୍ତି 2 ଚୋରା ଚାଲାଣକାରୀ । ଅନ୍ୟମାନେ ଫେରାର ହୋଇଯାଇଛନ୍ତି । ରବିବାର ରାତିରେ ପୋଲିସ ବାଙ୍ଗି ଛକ ନିକଟରେ ପାଟ୍ରୋଲିଂ କରୁଥିବାବେଳେ ଏକ ଟ୍ରକ ଗୁମୁଡ଼ା ଆଡୁ ଦ୍ରୁତ ଗତିରେ ଆସୁଥିବାବେଳେ ପୋଲିସ ଅଟକାଇ ଯାଞ୍ଚ କରିଥିଲା ।
ଟ୍ରକରେ ପ୍ରାୟ 298 କେଜି ଗଞ୍ଜେଇ ରହିଥିବାବେଳେ ଉତ୍ତରପ୍ରଦେଶକୁ ଚାଲାଣ କରାଯାଉଥିବା ଜଣାପଡିଛି । ପୋଲିସ ଉତ୍ତରପ୍ରଦେଶ ଅଞ୍ଚଳର ବୀର ସିଂ ଓ ଗୁମୁଡ଼ା ଅଞ୍ଚଳର ଜିତେନ୍ଦ୍ର ପାତିକାଙ୍କୁ ଗିରଫ କରିଛି । ଜବତ ଗଞ୍ଜେଇର ଆନୁମାନିକ ବଜାର ମୂଲ୍ୟ 30 ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଉଛି ।
30 ଲକ୍ଷ ଟଙ୍କାର ଗଞ୍ଜେଇ ଜବତ