ରାୟଗଡା:ସହକାରୀ ଯନ୍ତ୍ରୀଙ୍କ ଘରୁ ତାଲା ଭାଙ୍ଗି ଲୁଟ୍ । ଦୁର୍ବୃତ୍ତମାନେ ବିଳମ୍ବିତ ରାତିରେ ତାଲା ଭାଙ୍ଗି ୩ ଲକ୍ଷ ଟଙ୍କା ସହିତ ୫୦ ଭରି ସୁନା ଲୁଟି ନେଇଛନ୍ତି । ଖବରପାଇ ଘଟଣାସ୍ଥଳରେ ପୋଲିସ ପହଞ୍ଚିବା ପରେ ତଦନ୍ତ ଜାରି ରଖିଛି । ରାତିରେ ରାୟଗଡା ସହରର କସ୍ତୁରୀ ନଗର ଅଞ୍ଚଳରେ ଏକ ବଡ ଧରଣର ଚୋରି ହୋଇଥିବାର ଦେଖିବାକୁ ମିଳିଛି ।
ସୂଚନା ଅନୁଯାୟୀ, କସ୍ତୁରୀ ନଗର ପଞ୍ଚମ ଧାଡିରେ ରହୁଥିବା କୋଲନରା ବ୍ଲକ ସହକାରୀ ଯନ୍ତ୍ରୀଙ୍କ ଘରୁ କଳା କନା ବୁଲାଇ ଦେଉଛନ୍ତି ଲୁଟେରା । ଗତ ୬ ଦିନ ହେବ କୌଣସି କାମରେ ପରିବର ସହିତ କୋଲକାତା ଯାଇଛନ୍ତି ସହକାରୀ ଯନ୍ତ୍ରୀ । ତେବେ ଗତ କିଛି ଦିନ ହେବ ସହକାରୀ ଯନ୍ତ୍ରୀଙ୍କ ଘରେ ତାଲା ପଡିଥିବାର ଦୁର୍ବୃତ୍ତମାନେ ଦେଖିବାକୁ ପାଇଥିଲେ । ଘରେ କେହି ନଥିବାରୁ ଏହାର ସୁଯୋଗ ନେଇ ଘରର ତାଲା ଭାଙ୍ଗି ନଗଦ ୩ ଲକ୍ଷ ଟଙ୍କା ସହିତ ୫୦ ଭରି ସୁନା ଅଳଙ୍କାର ଲୁଟିନେଇଥିବା ଜଣାପଡିଛି ।