ରାୟଗଡ଼ା: କଲ୍ୟାଣସିଂହପୁର ବ୍ଲକ ସୁନାଖଣ୍ଡି ପଞ୍ଚାୟତ ନିୟମଗିରି ପାହାଡ଼ ଅଞ୍ଚଳ ରାଇଲିମା ଗାଁର ୧୪ ନମ୍ବର ମତଦାନ କେନ୍ଦ୍ରରେ ଆଜି ସାନି ମତଦାନ ଅନୁଷ୍ଠିତ ହୋଇଯାଇଛି । ଭୋଟର ତାଲିକାରେ ନାଁ ନଥିବାରୁ ଡଙ୍ଗରିଆ କନ୍ଧ ବାକ୍ସ ଉଠାଇ ନେବା ପରେ ବନ୍ଦ ଥିଲା ମତଦାନ । ତେବେ ପୁଣି କଡ଼ା ସୁରକ୍ଷାରେ ଏଠାରେ ଶେଷ ହୋଇଛି ପୁନଃ ଭୋଟଗ୍ରହଣ ।
Repolling: ନିୟମଗିରି ରାଇଲିମାରେ ସାନି ମତଦାନ ଶେଷ
କେନ୍ଦ୍ରରେ ମୋଟ ୧୯୯ ଜଣ ଭୋଟରଙ୍କ ମଧ୍ୟରୁ ୧୫୦ ଖଣ୍ଡ ଭୋଟ ପଢ଼ିଛି। ଏହି ଅଞ୍ଚଳ ଅତି ମାଓପ୍ରବଣ ଅଞ୍ଚଳ ହୋଇଥିବାରୁ ଏଠାରେ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଏହା ସହିତ କୁମ୍ଭିଂ ଅପରେସନକୁ ଜୋରଦାର କରାଯାଇଛି । ଭୋଟର ତାଲିକାରେ ନାମା ନଥିବା ପ୍ରତିବାଦରେ ଭୋଟ ବାକ୍ସ ଉଠାଇ ନେଇ ଯାଇଥିଲେ ଆଦିମ ଜନଜାତି ଡ଼ଙ୍ଗରିଆ କନ୍ଧ । ଫଳରେ ଏଠାରେ ପୁଣି ମତଦାନ କରାଯାଇଛି ।