ରାୟଗଡା: ରାୟଗଡ଼ା ଜିଲ୍ଲା ଗୁଣପୁର ଉପଖଣ୍ଡ ଅନ୍ତର୍ଗତ ପଦ୍ମପୁର ଖ ଜୋନ ଜିଲ୍ଲା ପରିଷଦ ସଭ୍ୟ ଉପନିର୍ବାଚନ ନିମନ୍ତେ ବିଜେଡି ତରଫରୁ ନାମାଙ୍କନପତ୍ର ଦାଖଲ କରାଯାଇଛି । ବିଜେଡି ତରଫରୁ ପଦ୍ମପୁର ଜୋନ ଜିଲ୍ଲା ପରିଷଦ ସଭ୍ୟ ରୂପେ କରୁଣାକର ଶବର ଶତାଧିକ ବିଜେଡି ସମର୍ଥକଙ୍କ ସହିତ ଏକ ଶୋଭାଯାତ୍ରାରେ ଆସି ଗୁଣପୁର ଉପ-ଜିଲ୍ଲାପାଳଙ୍କ କାର୍ଯ୍ୟାଳୟରେ ନାମାଙ୍କନପତ୍ର ଦାଖଲ କରିଛନ୍ତି ।
ରାୟଗଡା ଜିଲ୍ଲା ପରିଷଦ ସଭ୍ୟ ଉପନିର୍ବାଚନ; ବିଜେଡି ତରଫରୁ ନାମାଙ୍କନପତ୍ର ଦାଖଲ
ଏହି ଅବସରରେ ବିଜେଡି ଜିଲ୍ଲା ସଭାପତି ତଥା ରାଜ୍ୟ ବିଜୁକଲ୍ୟାଣ ଯୋଜନାର ଉପଦେଷ୍ଟା ସୁଧିର ଦାଶ, ଏହି ଜିଲ୍ଲାପରିଷଦ ଇଉପିଏ ନିର୍ବାଚନରେ ନିଶ୍ଚିତ ବିଜୟ ହେବା ନେଇ ଆଶାବ୍ୟକ୍ତ କରିଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସୁଶାସନ ସାଙ୍ଗକୁ ଜନ ହିତକର କାର୍ଯ୍ୟକ୍ରମ ଯୋଗୁଁ ଭୋଟରମାନେ ଏହି ଉପ ନିର୍ବାଚନରେ ବିଜୁ ଜନତା ଦଳର ପ୍ରାର୍ଥୀଙ୍କୁ ଭୋଟ ଦେଇ ଜୟଯୁକ୍ତ କରିବେ ବୋଲି ସେ କହିଛନ୍ତି ।