ନେଗେଟିଭ ହେଲା ସ୍ୱାବ୍ ଟେଷ୍ଟ ନମୂନା

ଗତ ଶୁକ୍ରବାର ଦିନ ଭୁବନେଶ୍ୱର ଆର୍‌ଏମ୍‌ଆର୍‌ସି ଯାଇଥିବା ୭ଟି ସ୍ୱାବ୍ ଟେଷ୍ଟ ନମୂନାର ରିପୋର୍ଟ ସିଡିଏମଓ ଦପ୍ତରକୁ ମିଳିଛି ।

ରାୟଗଡା: କୋରୋନାକୁ ନେଇ ରାୟଗଡା ଜିଲ୍ଲାରେ ଆଶ୍ୱସ୍ତି ହୋଇଛନ୍ତି ସାଧାରଣ ଜନତା । ଗତ ଶୁକ୍ରବାର ଦିନ ଭୁବନେଶ୍ୱର ଆର୍‌ଏମ୍‌ଆର୍‌ସି ଯାଇଥିବା ୭ଟି ସ୍ୱାବ୍ ଟେଷ୍ଟ ନମୂନାର ରିପୋର୍ଟ ସିଡିଏମ୍‌ଓ ଦପ୍ତରକୁ ମିଳିଛି । ଇଟିଭି ଭାରତକୁୁ ଏକ ସ୍ୱତନ୍ତ୍ର ସାକ୍ଷାତକାରରେ ଏନେଇ ସୂଚନା ଦେଇଛନ୍ତି ସିଡିଏମ୍‌ଓ ଡ. ଆର୍ତବନ୍ଧୁ ନାୟକ ।

ସୂଚନା ଦେଇ କହିଛନ୍ତି ଯେ, ବିଗତ ୪ ଦିନ ମଧ୍ୟରେ ଯାଇଥିବା ୧୭ଟି ସ୍ୱାବ୍ ନମୁନା ମଧ୍ୟରୁ ୭ଟି ନେଗେଟିଭ୍ ଆସିଥିବା ବେଳେ ବଳକା ୧୦ଟିର ରିପୋର୍ଟ ବର୍ତମାନ୍ ସୁଦ୍ଧା ହସ୍ତଗତ ହୋଇନାହଁ ।

ତେବେ କୋରୋନାକୁ ନେଇ ସାରା ଜିଲ୍ଲାରେ କଟକଣା କଡାକଡି ହୋଇଥିବା ବେଳେ ମାଜିଷ୍ଟ୍ରେଟଙ୍କ ଉପସ୍ଥିତିରେ ଯାଞ୍ଚ ପ୍ରକ୍ରିୟା କଡାକଡି ହୋଇଛି । ଏପଟେ ଗାଁ ଗାଁରେ ସୋଡିୟମ୍ ହାଇଡ୍ରୋକ୍ଲୋରାଇଡ ପାଣିରେ ବିଶୋଧନ ପରେ ଟିଫା ମେସିନ୍ ଦ୍ୱାରା ଆରମ୍ଭ ହୋଇଛି ଧୂଆଁ ଦିଆ ପ୍ରକିୟା ।

ରାୟଗଡାରୁ ରଞ୍ଜନ ରଥ, ଇଟିଭି ଭାରତ