ରାୟଗଡା: ଗୁଣିଆ ସନ୍ଦେହରେ ଗୋଟିଏ ପରିବାରର ୩ ଜଣଙ୍କୁ ନିର୍ମମ ହତ୍ୟା ମାମଲାରେ ୯ ଜଣଙ୍କୁ ପୁଣି ଦୋଷୀ ସାବ୍ୟସ୍ତ କଲେ ଜିଲ୍ଲା ଦୌରାଜଜ୍ କୋର୍ଟ । ଏହାସହ ପୂର୍ବରୁ ଦୋଷୀଙ୍କୁ ଦିଆଯାଇଥିବା ଫାଶୀ ଦଣ୍ଡାଦେଶକୁ କାଏମ ରଖିଛନ୍ତି କୋର୍ଟ । ଗୁଣପୁର ଅତିରିକ୍ତ ଜିଲ୍ଲା ଓ ଦୌରା ଜଜ୍ ସମସ୍ତ ୯ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରିବା ସହ ଫାଶୀ ଦଣ୍ଡାଦଶ ଶୁଣାଇଥିଲେ ।
ଗୁଣପୁର ଟ୍ରିପଲ୍ ମର୍ଡର : ୯ ଦୋଷୀଙ୍କ ଉପରେ ଫାଶୀ ଦଣ୍ଡାଦେଶ କାୟମ
ଏହାକୁ ଚ୍ୟାଲେଞ୍ଜ କରି ହାଇକୋର୍ଟଙ୍କ ଦ୍ବାରସ୍ଥ ହୋଇଥିଲେ ଅଭିଯୁକ୍ତ । ହାଇକୋର୍ଟ ମାମଲାକୁ ବିଚାରକୁ ନେଇ ରାୟଗଡା ଜିଲ୍ଲା ଗୁଣପୁର ଜିଲ୍ଲା ଓ ଦୌରା ଜଜ କୋର୍ଟଙ୍କୁ ପୁନଃବିଚାର ପାଇଁ ନିର୍ଦ୍ଦେଶ ଦେଇଥିଲେ । ଆଜି (ଗୁରୁବାର) ଅଦାଲତା ସମସ୍ତ ଦୋଷୀଙ୍କୁ ପୁଣିଥରେ ଦୋଷୀ ସାବ୍ୟସ୍ତ କରିଛନ୍ତି । ଗତ 2018 ମସିହାରେ ଗୁଣପୁର ଅତିରିକ୍ତ ଜିଲ୍ଲା ଓ ଦୌରାଜଜ୍ ଗୁଣିଗାରେଡି ସନ୍ଦେହରେ ଗୋଟିଏ ପରିବାରର ୩ ଜଣଙ୍କୁ ହତ୍ୟା ଅଭିଯୋଗରେ ୯ ଜଣଙ୍କୁ ଫାଶୀ ଦଣ୍ଡାଦେଶ ଦେଇଥିଲେ ।