ରାୟଗଡା: ପୌର ପରିଷଦ ମିଳିଲା ଆମ୍ବୁଲାନ୍ସ ଓ ସ୍ଵର୍ଗ ରଥ । ସାଂସଦ ପାଣ୍ଠିରୁ ରାୟଗଡା ପୌର ପରିଷଦକୁ ମିଳିଛି ଆମ୍ବୁଲାନ୍ସ ଓ ସ୍ଵର୍ଗ ରଥ । ଜରୁରୀକାଳୀନ ସମୟରେ ସହରାଞ୍ଚଳ ରୋଗୀକୁ ଡାକ୍ତରଖାନାରେ ପହଞ୍ଚାଇବା ପାଇଁ ସାଂସଦ ପାଣ୍ଠିରୁ ଏହି ଦୁଇଟି ଗାଡିର ବ୍ୟବସ୍ଥା କରାଯାଇଛି ।
ରାୟଗଡା ପୌର ପରିଷଦକୁ ସାଂସଦ ପାଣ୍ଠିରୁ ମିଳିଲା ଆମ୍ବୁଲାନ୍ସ ଓ ସ୍ଵର୍ଗ ରଥ
ସେହିପରି ଡାକ୍ତରଖାନା ଯିବା ପାଇଁ ଆମ୍ବୁଲାନ୍ସ ପାଇବାରେ ସହରବାସୀ କୌଣସି ଅସୁବିଧାର ସମ୍ମୁଖୀନ ହେଲେ ପୌର ଅଧିକାରୀଙ୍କ ସହ ଯୋଗାଯୋଗ କରି ଏହି ସେବାର ଲାଭ ଉଠାଇବାକୁ କହିଛନ୍ତି ରାଜ୍ୟ ସଭା ସାଂସଦ ଏନ. ଭାସ୍କର ରାଓ । ଏଥିସହ ସହରଠାରୁ ବହୁ ଦୂରରେ ଶ୍ମଶାନ ଥିବାରୁ ମୃତଦେହକୁ ନେବାରେ ସମ୍ପର୍କୀୟମାନେ ଅସୁବିଧାର ସମ୍ମୁଖୀନ ହେଉଥିବାରୁ ସହରାଞ୍ଚଳ ପାଇଁ ସ୍ଵର୍ଗ ରଥର ବ୍ୟବସ୍ଥା କରାଯାଇଛି । ପୂର୍ବରୁ ବେସରକାରୀ ସଂସ୍ଥା ପକ୍ଷରୁ ସ୍ଵର୍ଗରଥର ବ୍ୟବସ୍ଥା ଥିବା ବେଳେ ଏବେ ପୌରପାଳିକାରେ ସ୍ଵର୍ଗରଥ ଉପଲବ୍ଧ ହେବ ।