ରାୟଗଡା: ବିଷମକଟକ ଥାନା ଥଙ୍ଗାପଦର ଗାଁରେ ଅଘଟଣ । ବିଦ୍ୟୁତ୍ ଆଘାତରେ ଗୋଟିଏ ପରିବାରର ଦୁଇ ଜଣ ମୃତ । ମୃତକ ଦ୍ବୟ ଶ୍ବଶୂର-ବୋହୂ ହୋଇଥିବା ସୂଚନା । ବିଦ୍ୟୁତ ଆଘାତରେ 24 ବର୍ଷିୟ ବୋହୂ ସମୁତି ମାଣ୍ଡାଙ୍ଗୀ ଓ 60 ବର୍ଷୀୟ ଶ୍ବଶୂର ଧନୀ ମାଣ୍ଡାଙ୍ଗୀଙ୍କ ଯାଇଛି ଜୀବନ ।
ବିଦ୍ୟୁତ୍ ଆଘାତରେ ଶ୍ବଶୂର-ବୋହୂ ମୃତ
ସକାଳୁ ଘର କବାଟ ଖୋଲିବା ସମୟରେ ଏପରି ଅଘଟଣ ଘଟିଛି । ଘରର ଲୁହା କବାଟରେ ବିଦ୍ୟୁତ ତାର ଲାଗିଯାଇଥିବାରୁ କବାଟ ଖୋଲୁଥିବା ଶ୍ବଶୂରଙ୍କୁ ପ୍ରଥମେ ଝଟକା ଲାଗିଥିଲା । ପରେ ତାଙ୍କୁ ରକ୍ଷା କରିବାକୁ ଯାଇ ବୋହୂ ବି ବିଦ୍ୟୁତ ଆଘାତ ପାଇଥିଲେ । ଘଟଣାସ୍ଥଳରେ ଉଭୟଙ୍କ ମୃତ୍ୟୁ ଘଟିଥିଲା ।