ରାୟଗଡ଼ା:ଜିଲ୍ଲାରେ ଦିନକୁ ଦିନ କୋରୋନା ସ୍ଥିତି ଅଣାୟତ୍ତ ହେବାରେ ଲାଗିଛି । ଏଥିପାଇଁ ଆନ୍ଧ୍ରପ୍ରଦେଶକୁ ଲାଗି ରହିଥିବା ରାୟଗଡା ଜିଲ୍ଲାର ସୀମାନ୍ତ ୬୫ଟି ଗାଁର ଗଳାବାଟକୁ ବନ୍ଦ କଲା ଜିଲ୍ଲା ପ୍ରଶାସନ । ବିଶେଷ କରି ଆନ୍ଧ୍ରପ୍ରଦେଶ ସୀମାନ୍ତ କେରେଡାରେ ଯାଞ୍ଚ ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ଏହି ରାସ୍ତା ଦେଇ ଆନ୍ଧ୍ରପ୍ରଦେଶରୁ ଦୈନିକ ଶହ ଶହ ସଂଖ୍ୟକ ଯାନବାହନ ଆସୁଥିବାରୁ ଏଠାରେ ଯାଞ୍ଚ ପ୍ରକ୍ରିୟାକୁ କଡାକଡି କରାଯାଇଛି ।
କଡ଼ାକଡ଼ି କୋରୋନା କଟକଣା, ବନ୍ଦ ହେଲା ଆନ୍ଧ୍ରରୁ ଓଡ଼ିଶାକୁ ଗଳାବାଟ
ରାୟଗଡା ବ୍ଲକର ମିରାବାଲି, ବୈରାଗିହାଲୁଆ, ଗାଜିଗାଁ, କେରେଡା ପଞ୍ଚାୟତ ଅନ୍ତର୍ଗତ ସୀମାକୁ ଲାଗିଥିବା ସବୁ ଗାଁ ଉପରେ ପ୍ରଶାସନ ପକ୍ଷରୁ କଡ଼ା ନଜର ରଖାଯାଇଛି । ସେହିପରି ଗୁଣପୁର ବ୍ଲକ ଅନ୍ତର୍ଗତ ଗୋଠଳପଦର, ସିଙ୍ଗୁପାଇ, ଜଗନ୍ନାଥପୁର, ମୋରମା ପଞ୍ଚାୟତରେ ଚେକିଂ ପଏଣ୍ଟ କରାଯାଇଛି ।