କଡା ସୁରକ୍ଷାରେ ସମ୍ପର୍ଣ୍ଣ ହେଲା ରାୟଗଡାରେ କାଳିଆର ଗୁଣ୍ଡିଚା ଯାତ

ସୁପ୍ରିମକୋର୍ଟଙ୍କ କଟକଣା ପରେ କଡା ସୁରକ୍ଷା ମଧ୍ୟରେ ସମ୍ପର୍ଣ୍ଣ ହୋଇଛି ରାୟଗଡାରେ କାଳିଆ ସାଆନ୍ତଙ୍କ ଶ୍ରୀ ଗୁଣ୍ଡିଚା ଯାତ । ହେଲେ ଆଜି ଅନେକ ଭକ୍ତ କାଳିଆ ସାଆନ୍ତଙ୍କ ଦର୍ଶନ କରି ନପାରି ମନଦୁଃଖରେ ଫେରିଯାଇଛନ୍ତି।

ରାୟଗଡା: ସୁପ୍ରିମକୋର୍ଟଙ୍କ କଟକଣା ପରେ କଡା ସୁରକ୍ଷା ମଧ୍ୟରେ ସମ୍ପର୍ଣ୍ଣ ହୋଇଛି ରାୟଗଡାରେ କାଳିଆ ସାଆନ୍ତଙ୍କ ଶ୍ରୀ ଗୁଣ୍ଡିଚା ଯାତ । ତିନି ଠାକୁରଙ୍କ ମନ୍ଦିର ବେଢାରେ ସରିଛି ଗୁଣ୍ଡିଚା ଯାତ । ହେଲେ ଆଜି ଅନେକ ଭକ୍ତ କାଳିଆ ସାଆନ୍ତଙ୍କ ଦର୍ଶନ ପାଇଁ ଆସି କୋରୋନା କଟକଣା ଯୋଗୁଁ ଦର୍ଶନ ନପାଇ ମନଦୁଃଖରେ ଫେରି ଯାଇଥିବା ଦେଖିବାକୁ ମିଳିଥିଲା ।

ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁଯାୟୀ ଚଳିତ ଥର ରଥ ଟଣା କାର୍ଯ୍ୟକ୍ରମ ହୋଇନଥିବା ବେଳେ ମନ୍ଦିର ପରିସରରେ ହିଁ ଠାକୁରଙ୍କ ନିତୀକାନ୍ତି ସମାପନ ହୋଇଛି । ମଙ୍ଗଳବାର ସକାଳ ସାଢେ 5ଟା ସମୟରେ ଅଣସର ଘରେ ପହଡ ଖୋଲାଯିବା ପରେ ତିନି ଠାକୁରଙ୍କ ମଙ୍ଗଳ ଆଳତୀ, ତଡପଲାଗି,ଗୋପାଳ ବଲ୍ଲଭ ଭୋଗ ଲାଗି ହେବା ପରେ ଦ୍ବାରପାଳ ପୂଜା ହୋଇଥିଲା ।

ଏହା ପରେ 9.30 ମିନିଟରେ ତିନି ଠାକୁରଙ୍କ ଧାଢି ପହଣ୍ଡିରେ ସେବାୟତ ମାନେ ମନ୍ଦିର ପରିସରରେ ନିର୍ମାଣ ହୋଇଥିବା ଅସ୍ଥାଇ ମାଉସି ମାଁ ମନ୍ଦିରକୁ ଆଣିଥିଲେ । କୋରୋନା କଟକଣା ଯୋଗୁଁ ମନ୍ଦିର ପରିସରରେ ପୁଲିସ ଛାଉଣୀ କରାଯାଇଥିବା ବେଳେ ମନ୍ଦିର ବାହାରେ ପ୍ରଶାସନ ପକ୍ଷରୁ 144 ଧାରା ଜାରି କରାଯାଇଥିଲା ।

ରାୟଗଡାରୁ ରଞ୍ଜନ ରଥ, ଇଟିଭି ଭାରତ