ରାୟଗଡା: ସିପିଆଇ(ଏମଏଲ୍)ଲିବରେସନ ପକ୍ଷରୁ ପଦ୍ମପୁର ବ୍ଲକ କାର୍ଯ୍ୟାଳୟ ସମ୍ମୁଖରେ ପ୍ରତିବାଦ ଓ ଗୋଷ୍ଠୀ ଉନ୍ନୟନ ଅଧିକାରୀଙ୍କୁ ୩ ଦଫା ଦାବିରେ ସ୍ମାରକପତ୍ର ପ୍ରଦାନ କରାଯାଇଛି । ମୁଖ୍ୟତଃ ୫ଟି ରାଜ୍ୟର ବିଧାନସଭା ନିର୍ବାଚନ ପାଇଁ ଜନମତ ପ୍ରଭାବିତ ହେବା ଆଶଙ୍କାରେ ମାର୍ଚ୍ଚ ୨୪ ତାରିଖ ଠାରୁ ପେଟ୍ରୋଲ ଓ ଡିଜେଲ ଦରବୃଦ୍ଧି କରାଯାଉନଥିଲା। ଭୋଟ ହୋଇ ସାରିଲା ପରେ ମେ ୪ ତାରିଖରୁ ୬ ମାସ ମଧ୍ୟରେ ୬୦ ଥର ପେଟ୍ରୋଲ ଓ ଡିଜେଲ ଦରବୃଦ୍ଧି କରାଯାଇଛି ବୋଲି ଅଭିଯୋଗ କରିଛି ଦଳ ।
କେନ୍ଦ୍ରର ନରେନ୍ଦ୍ର ମୋଦି ନେତୃତ୍ବାଧିନ ବିଜେପି ସରକାର ପ୍ରଥମ ବର୍ଷରେ ପେଟ୍ରୋଲ ୨୪.୨୭୯ କୋଟି, ଡିଜେଲ ଉପରେ ୪୨.୮୮୧ କୋଟି ଟଙ୍କା ଆଦାୟ କରିଥିବାବେଳେ ୨୦୨୦ ଏପ୍ରିଲ ଠାରୁ ୨୦୨୧ ଜାନୁୟାରୀ ପର୍ଯ୍ୟନ୍ତ ୧୦ ମାସ ମଧ୍ୟରେ ୨ ଲକ୍ଷ ୪୯୫ କୋଟି ଟଙ୍କା ସର୍ବମୋଟ ୩୦୦ ଭାଗ ବୃଦ୍ଧି ହୋଇଛି । ଓଡିଶାର ସରକାରଙ୍କ ପେଟ୍ରୋଲ ୩୨ ଭାଗ ଓ ଡିଜେଲ ୨୮ ଭାଗ ଦେଉଛନ୍ତି। କୋରୋନାର ତାଣ୍ଡବ ଚାଲୁଥିବା ସମୟରେ କେନ୍ଦ୍ର ସରକାର ଅତ୍ୟାବଶ୍ୟକ ଜିନିଷ, ଡାଲି,ତେଲ ଭଲି ଖାଦ୍ୟ ଜିନିଷକୁ ଆକାଶଛୁଆଁ ଦର ବୃଦ୍ଧି କରିବାରେ ଲାଗିଛନ୍ତି। ତେଣୁ ଦେଶରେ ତୁରନ୍ତ ପେଟ୍ରୋଲ ଓ ଡିଜେଲ ଦରବୃଦ୍ଧି ବନ୍ଦ କରାଯିବା, ଆସନ୍ତା ୨ ମାସ ଧରି ପ୍ରତି ପରିବାରକୁ ୧୦ କେଜି ଚାଉଳ ,ଗହମ ,ତେଲ ,ଡାଲି ,ଚିନି ମାଗଣାରେ ଯୋଗାଇ ଦିଆଯିବା ସହ ଆୟକର ଦେଉନଥିବା ପରିବାରକୁ ମାସିକ ୭୫୦୦ ଟଙ୍କା ପ୍ରଦାନ କରିବା ପାଇଁ ଦାବି କରିଛି ଦଳ ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ