ରାୟଗଡା: ପହଞ୍ଚି ପାରିଲା ନାହିଁ ଆମ୍ବୁଲାନ୍ସ । ଗର୍ଭବତୀଙ୍କୁ 2 କିମି ଯାଏଁ ଭାରରେ ବୋହିଲେ ପରିବାର ଲୋକେ । ରାୟଗଡା ଜିଲ୍ଲାରେ ପୁଣି ଥରେ ଜନନୀ ଯନ୍ତ୍ରଣାର ଘଟଣା ପୁନରାବୃଦ୍ଧି ହୋଇଛି । ଆଜିର ଏହି ଘଟଣାଟି ହେଉଛି ରାୟଗଡା ଜିଲ୍ଲା କାଶୀପୁର ବ୍ଲକ ସଙ୍କରଗଡା ଗ୍ରାମପଞ୍ଚାୟତ ତେନ୍ତୁଳି ପଦର ଗାଁ ।
ଥମୁନି ଜନନୀ ଯନ୍ତ୍ରଣା
ବୁଧବାର ସକାଳୁ ଉକ୍ତ ଗାଁ ଗୋବର ମାଝିଙ୍କ ସ୍ତ୍ରୀ ସୁନାଦେଇ ଭୋର 5ଟାରେ ପ୍ରସବ ଯନ୍ତ୍ରଣା ଅନୁଭବ ହୋଇଥିଲା । ଏହା ପରେ ଟିକିରି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ପ୍ରସବ ପାଇଁ 102 ଆମ୍ବୁଲାନ୍ସକୁ ଯୋଗଯୋଗ କରାଯାଇଥିଲା । ଖବର ପାଇବା ପରେ କାଶୀପୁରରେ ଥିବା ଆମ୍ବୁଲାନ୍ସ ତେନ୍ତୁଳି ପଦର ଗାଁର ପ୍ରାୟ 40 କିମି ଅଧିକ ରାସ୍ତା ଅଭିମୁଖେ ବାହାରିଥିଲା । ହେଲେ ଗାଁକୁ ରାସ୍ତା ନଥିବାରୁ ମାତ୍ର 2 କିମି ଦୂରରେ ବଡପୁକେଲ ଗାଁ ନିକଟରେ ଗାଡିଟି ଅଟକି ରହିଥିଲା ।