ରାୟଗଡା: ଜିଲ୍ଲାରେ ବଢୁଛି ସରକାରୀ ପିଡିଏସ ଚାଉଳ ଚୋରା ଚାଲାଣ । ଗୁଣପୁର ବ୍ଲକ ଚାଲାକମ୍ବା ଗ୍ରାମରେ ଥିବା କାଜୁ ମିଲ ଉପରେ ପୋଲିସର ଚଢାଉ । ୧୦୦ ବସ୍ତା ସରକାରୀ ଯୋଗାଣ ବିଭାଗର ଚାଉଳ ଜବତ, ୨ ଗିରଫ । ଏନେଇ ଉଚ୍ଚସ୍ତରୀୟ ତଦନ୍ତ କରିବାକୁ ସାଧାରଣରେ ଦାବି ।
ସୂଚନା ଅନୁସାରେ ସରକାରୀ ପିଡିଏସ ଚାଉଳ ଚୋରା ଚାଲାଣ ହେଉଥିବା ବିଶେଷ ସୂତ୍ରରୁ ଖବର ପାଇ ଗୁଣପୁର ଆଦର୍ଶ ପୋଲିସ ଉକ୍ତ କାଜୁ ମିଲ ଉପରେ ଚଢାଉ କରିଥିଲେ । ଜବତ ହୋଇଥିବା ଚାଉଳ ନେଇ କାଜୁ ମିଲ ମାଲିକ ସନ୍ତୋଷ ଜନକ ଉତ୍ତର ଦେଇ ନପାରିବାରୁ ଟ୍ରକ ଡ୍ରାଇଭର ଏବଂ କାଜୁ ମିଲ ମାଲିକଙ୍କୁ ଗିରଫ କରାଯାଇଥିବା ଜଣାପଡ଼ିଛି । ତେବେ ପୂର୍ବରୁ ମଧ୍ୟ ପୁଟାସିଂରୁ ୬୦ ବସ୍ତା ପିଡିଏସ ଚାଉଳ ଜବତ କରି ଜଣଙ୍କୁ ଗିରଫ କରିଥିଲା ପୋଲିସ ।
ଇଟିଭି ଭାରତ, ରାୟଗଡ଼ା