ରାୟଗଡା: ମାନ ହରାଉଛି ମାଟି ମୂର୍ତ୍ତି । ଚିନ୍ତାରେ ମୂର୍ତ୍ତି କାରିଗର । ଦିନକୁ ଦିନ ମାଟି ମୂର୍ତ୍ତି ତିଆରି କରିବାର କାରିଗରଙ୍କ ସଂଖ୍ୟା କମିବାରେ ଲାଗିଛି । ବିଗତ ୧୦ ବର୍ଷର ଆକଳନରୁ ଏହା ଜଣାପଡିଛି ।
ରାୟଗଡ଼ା ସହରରେ ୧୦ ବର୍ଷ ତଳେ ୮ଟି ଜାଗାରେ ଗଣେଶଙ୍କ ମାଟି ମୂର୍ତ୍ତି ନିର୍ମାଣ ହେଉଥିଲା । କିନ୍ତୁ ଧିରେ ଧିରେ ଏହା କମି ଚଳିତ ବର୍ଷ କେବଳ ଏକ ମାତ୍ର ସ୍ଥାନରେ ଏହି ମାଟି ଗଣେଶ ତିଆରି ହେଉଛନ୍ତି ।
ସବୁଠାରୁ ବଡ଼ ପ୍ରତିବନ୍ଧକ ସାଜିଛି ପ୍ଲାଷ୍ଟର ଅଫ୍ ପ୍ୟାରିସର ଗଣେଶ ମୂର୍ତ୍ତି । ସହରର ବିଭିନ୍ନ ଗଳିକନ୍ଦି ଠାରୁ ଆରମ୍ଭ କରି ଘରେ ଘରେ ଲୋକଙ୍କ ପସନ୍ଦ ହୋଇଛି ପ୍ଲାଷ୍ଟର ଅଫ୍ ପ୍ୟାରିସ ଗଣେଶ । କାରଣ ଏହା ମାଟି ମୂର୍ତ୍ତି ଠାରୁ ଶସ୍ତା ।ତେବେ ଏହି ମୂର୍ତ୍ତି ପରିବେଶ ପ୍ରତି କ୍ଷତିକାରକ ଏବଂ ପ୍ରଦୂଷଣ ନିୟନ୍ତ୍ରଣ ବିଭାଗ ଦ୍ବାରା ବେଆଇନ ଘୋଷଣା ସତ୍ତ୍ବେ ସହରର ଗଳି କନ୍ଦିରେ ମିଳୁଛି ଏଭଳି ମୂର୍ତ୍ତି ।
ଏନେଇ ଜିଲ୍ଲାପ୍ରଶାସନ, ରାଜ୍ୟସରକାର କିମ୍ବା ପୌର ପ୍ରଶାସନର ନିଘା ନାହିଁ ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ