ରାୟଗଡ଼ା: ଜୋର ଧରିବାରେ ଲାଗିଛି ଗୁଣପୁରରେ ସରକାରୀ କୋଭିଡ ହସ୍ପିଟାଲ ପ୍ରତିଷ୍ଠା ଦାବି । କୋରୋନା ସଂକ୍ରମଣ ବୃଦ୍ଧି ପରେ ଗୁଣପୁରରେ ସଂକ୍ରମିତଙ୍କୁ ଠିକ ସମୟରେ ଚିକିତ୍ସା ସେବା ମିଳି ପାରୁନାହିଁ । ଏହି ଅଞ୍ଚଳରେ ସ୍ବତନ୍ତ୍ର ହସ୍ପିଟାଲ କାର୍ଯ୍ୟକାରୀ ଦାବି ହୋଇ ଆସୁଥିବାବେଳେ ଆଜି ଅଞ୍ଚଳବାସୀଙ୍କ ସହ ସ୍ବର ମିଳାଇଛନ୍ତି ପଦ୍ମଶ୍ରୀ ଶାନ୍ତି ଦେବୀ । ସରକାର ତୁରନ୍ତ ଏ ଦିଗରେ ପଦକ୍ଷେପ ନେବାକୁ ଶାନ୍ତି ଦେବୀ ଦାବି କରିଛନ୍ତି ।
ପଦ୍ମଶ୍ରୀ ଶାନ୍ତି ଦେବୀଙ୍କ ଗୁଣପୁରରେ କୋଭିଡ ହସ୍ପିଟାଲ ପ୍ରତିଷ୍ଠା ଦାବି
ପ୍ରତିଦିନ ଗୁଣପୁର ଉପଖଣ୍ଡରେ କୋରୋନା ଆକ୍ରାନ୍ତଙ୍କ ସଂଖ୍ୟା ବଢ଼ି ଚାଲିଛି। ସମାନ ଭାବରେ କୋଭିଡ ମୃତ୍ୟୁସଂଖ୍ୟା ମଧ୍ୟ ବଢ଼ୁଥିବାରୁ ସ୍ଥାନୀୟ ଅଞ୍ଚଳବାସୀଙ୍କ ମନରେ ଛନକା ପଶିଛି । ପ୍ରଶାସନ ପକ୍ଷରୁ କୋଭିଡ ଆକ୍ରାନ୍ତଙ୍କ ଚିକିତ୍ସା ପାଇଁ ଗୁଣପୁର ଆଦର୍ଶ ବିଦ୍ୟାଳୟରେ କୋଭିଡ କେୟାର ସେଣ୍ଟର୍ ଖୋଲାଯାଇଛି। ତେବେ ଏହି କୋଭିଡ କେୟାର ସେଣ୍ଟରରେ ଗୁରୁତର ରୋଗୀଙ୍କୁ ଉପଯୁକ୍ତ ଚିକିତ୍ସା ମିଳୁନାହିଁ ।