ରାୟଗଡା: ଗଞ୍ଜେଇ ମାଫିଆଙ୍କ କବଳରେ ରାୟଗଡା । ଜିଲ୍ଲାର ମାଓ ପ୍ରବଣ ଦୁର୍ଗମ ଅଞ୍ଚଳରେ ଚଳିତବର୍ଷ 250 ହେକ୍ଟର ଜମିରେ ଗଞ୍ଜେଇ ଚାଷ କରାଯାଇଥିବା ଆକଳନ କରିଛି ପୋଲିସ, ଅବକାରୀ, କୃଷି ଓ ବନ ବିଭାଗ । ଏନେଇ ବ୍ଲୁପ୍ରିଣ୍ଟ ପ୍ରସ୍ତୁତ କରି ଆସନ୍ତା 20 ତାରିଖ ବୁଧବାର ଠାରୁ ଆରମ୍ଭ ହେବାକୁ ଯାଉଛି ଅପରେସନ ‘ଗ୍ରୀନ ଡାଇମଣ୍ଡ’ ।
ରାୟଗଡାରେ ଆରମ୍ଭ ହେବ ଅପରେସନ ‘ଗ୍ରୀନ ଡାଇମଣ୍ଡ’
ଏହି ଅପରେସନ ଆଉ କିଛି ନୁହେଁ ବରଂ ଗଞ୍ଜେଇ ଗଛ କଟା ଅଭିଯାନ ବୋଲି ସୂଚନା ଦେଇଛନ୍ତି ରାୟଗଡା ଏସପି ଡ଼ଃ ଶ୍ରବଣ ବିବେକ ଏମ୍ । ଏଥିପାଇଁ ପୋଲିସ, ଅବକାରୀ କୃଷି, ରାଜସ୍ବ ଏବଂ ବନ ବିଭାଗର ମିଳିତ ବୈଠକରେ ଯୋଜନା ଚୂଡାନ୍ତ ହୋଇଥିବା ଏସପି କହିଛନ୍ତି । ତେବେ ଏହି ଅଞ୍ଚଳ ମାଓ ପ୍ରବଣ ହୋଇଥିବାରୁ କଡା ସୁରକ୍ଷା ଏବଂ ସତର୍କତା ମଧ୍ୟରେ ଗଞ୍ଜେଇ ଗଛ କଟା ଅଭିଯାନକୁ ସଫଳତାର ରୂପ ଦେବାକୁ ବୈଠକରେ ନିଷ୍ପତ୍ତି ହୋଇଛି ।