ବଜ୍ରପାତରେ ଜଣେ ମୃତ, ଦୁଇ ଗୁରୁତର

ଗୁଣପୁର ବ୍ଲକ ଅନ୍ତର୍ଗତ ଘନତରୀ ଗ୍ରାମରେ ବୁଧବାର ବ୍ରଜପାତ ଘଟି ଜଣେ ମହିଳାଙ୍କ ମୃତ୍ୟୁ ଘଟିଥିବା ବେଳେ ଦୁଇ ଜଣ ଗୁରୁତର ହୋଇଛନ୍ତି । ଅଧିକ ପଢ଼ନ୍ତୁ...

ରାୟଗଡ଼ା: ଗୁଣପୁର ବ୍ଲକ ଅନ୍ତର୍ଗତ ଘନତରୀ ଗ୍ରାମରେ ବୁଧବାର ବ୍ରଜପାତ ଘଟି ଜଣେ ମହିଳାଙ୍କ ମୃତ୍ୟୁ ଘଟିଥିବା ବେଳେ ଦୁଇ ଜଣ ଗୁରୁତର ହୋଇଛନ୍ତି । ମୃତକ ମହିଳା ହେଲେ ଘନତରୀ ଗ୍ରାମର ରେବତୀ ଶବର । ତାଙ୍କ ବୟସ 40 ।

ସୂଚନା ଅନୁସାରେ ସ୍ବାମୀ ତାଇଗ୍ରୀନ ଶବର ଏବଂ ପୁଅ ଜରଲାଙ୍ଗ ଶବର ସହିତ ସେ ନିଜ ଜମିରେ କାମ କରୁଥିବା ବେଳେ ସନ୍ଧ୍ୟାରେ ବର୍ଷା ପବନ ସାଙ୍ଗକୁ ବଜ୍ରପାତ ହୋଇଥିଲା । ବଜ୍ରପାତ ଯୋଗୁଁ ଘଟଣାସ୍ଥଳରେ ରେବତୀଙ୍କ ମୃତ୍ୟୁ ଘିଟିଥିବାବେଳେ ସ୍ଵାମୀ ତାଇଗ୍ରୀନ ଶବର ଏବଂ ପୁଅ ଜରଲାଙ୍ଗ ଶବରଙ୍କୁ ଗୁରୁତର ଅବସ୍ଥାରେ ଗ୍ରାମବାସୀ ଗୁଣପୁର ମେଡିକାଲରେ ଭର୍ତ୍ତି କରିଛିନ୍ତି ।

ରାୟଗଡ଼ାରୁ ରଞ୍ଜନ ରଥ, ଇଟିଭି ଭାରତ