ବିଦେଶରୁ ଆସି ତଥ୍ୟ ଲୁଚାଇବା ପଡିଲା ମହଙ୍ଗା, ଜଣେ ଗିରଫ

କୋରୋନା ସଚେତନତା ଓ ସତର୍କତା ପାଇଁ ରାଜ୍ୟ ସରକାର ଅନେକ ଗୁରୁତ୍ବପୂର୍ଣ୍ଣ ପଦକ୍ଷେପ ନେଉଛନ୍ତି । ହେଲେ ଏହି ନିୟମ ଉଲ୍ଲଂଘନ କରି ଶନିବାର ରାୟଗଡାରୁ ଜଣେ ଗିରଫ ହୋଇଛନ୍ତି । ଅଧିକ ପଢନ୍ତୁ...

ରାୟଗଡା: କୋରୋନା ସଚେତନତା ଓ ସତର୍କତା ପାଇଁ ରାଜ୍ୟ ସରକାର ଅନେକ ଗୁରୁତ୍ବପୂର୍ଣ୍ଣ ପଦକ୍ଷେପ ନେଉଛନ୍ତି । ଏନେଇ ସେ ବାହାର ରାଜ୍ୟ ବା ଦେଶରୁ ଆସୁଥିବା ବ୍ୟକ୍ତିମାନଙ୍କୁ ତୁରନ୍ତ ନିକଟସ୍ଥ ମେଡିକାଲରେ ଖବର କରିବା ସହ 14 ଦିନ କ୍ବାରେଣ୍ଟାଇନରେ ରହିବାର ନିୟମ ରହିଛି । ହେଲେ ଏହି ନିୟମ ଉଲଂଘନ କରି ଶନିବାର ରାୟଗଡାରୁ ଜଣେ ଗିରଫ ହୋଇଛନ୍ତି ।

ଗିରଫ ବ୍ୟକ୍ତି ଜଣଙ୍କ ହେଉଛନ୍ତି ଗୁଣୁପୁରର ରାମଚନ୍ଦ୍ର ମିଶ୍ରଙ୍କ ପୁଅ ଶିବ କୁମାର ମିଶ୍ର । ସେ ଫେବୃଆରୀ 16ରେ ୟୁଏସଏରୁ ଫେରିଥିବା ବେଳେ ସରକାରୀ ନିୟମ ଉଲଂଘନ କରିବା ସହ ଡାକ୍ତରଖାନାରେ ନାମ ଦାଖଲ କରିନଥିଲେ, କି 14 ଦିନ କ୍ବାରେଣ୍ଟାଇନରେ ରହିନଥିଲେ । ଏନେଇ ନିୟମ ଉଲଂଘନ ଅଭିଯୋଗରେ ଜିଲ୍ଲା ପ୍ରଶାସନର ନିର୍ଦ୍ଦେଶ କ୍ରମେ ତାଙ୍କୁ ମାମଲା ନଂ- 49/20 ୟୁ/ଏସ-188/269/270 ଆଧାରରେ ଗିରଫ କରାଯାଇଛି । ଏନେଇ ଗଣମାଧ୍ୟମକୁ ସୂଚନା ଦେଇଛନ୍ତି ଗୁଣୁପୁର ଆଇଆଇସି ।

ରାୟଗଡାରୁ ରଞ୍ଜନ ରଥ, ଇଟିଭି ଭାରତ