ରାୟଗଡ଼ା : ରାୟଗଡ଼ା ଜିଲ୍ଲା କଲ୍ୟାଣସିଂହପୁର ସଦର କଲ୍ୟାଣୀ ନଦୀର ସୁରକ୍ଷା କାନ୍ଥର ସଟର ପ୍ଲେଟ ବାହାର କରିବା ବେଳେ ଜଣେ ଶ୍ରମିକଙ୍କର ମୃତ୍ୟୁ ଘଟିଛି । ମୃତ ଶ୍ରମିକ ଜଣକ ହେଲେ କାଶୀପୁର ବ୍ଳକ ମଣିଷ ଗ୍ରାମ ପଞ୍ଚାୟତ ସିଙ୍ଗାରି ଖଡ଼କା ଗ୍ରାମର କାଶରୀ ମାଝୀ । ଆଜି ସକାଳେ କାଶରୀ ମାଝୀ କଲ୍ୟାଣୀ ନଦୀ ନିକଟରେ ପୋଲ ଓ ରାସ୍ତାକୁ ସୁରକ୍ଷା ଦେବାକୁ ଥିବା କାନ୍ଥ ନିର୍ମାଣରେ ଲାଗିଥିବା ସଟର ପ୍ଲେଟ ବାହାର କରିବାକୁ ଯାଇଥିଲେ । ସେହି ସମୟରେ ହଠାତ ଖସି ପଡ଼ିଥିଲା ଗାର୍ଡୱାଲ ସଟର୍ ପ୍ଲେଟ୍ ।
ବ୍ରିଜ କାମ କରିବା ବେଳେ ଅଘଟଣ, ସଟର ପ୍ଲେଟ ତଳେ ଚାପି ହୋଇ ଶ୍ରମିକ ମୃତ
ତେବେ ପ୍ଲେଟଟି ଖସି ପଡ଼ିବାରୁ ଗାର୍ଡୱାଲ ସଟର ତଳେ ଚାପି ହୋଇଯାଇଥିଲେ କାଶରୀ ମାଝୀ । ନିଜକୁ ବଞ୍ଚାଇବା ପାଇଁ ସେ ଅନେକ ଚେଷ୍ଟା କରିଥିଲେ । କିନ୍ତୁ ସଟର ତଳୁ ବାହାରି ପାରିନଥିଲେ କାଶରୀ । ଶେଷରେ ଅଣନିଶ୍ବାସୀ ହୋଇପଡ଼ିଥିଲେ ଶ୍ରମିକ ଜଣକ । ତେବେ ଦୀର୍ଘ ସମୟ ଧରି ସଟର ପ୍ଲେଟ ତଳେ ଚାପି ହୋଇ ରହିଥିବା କାଶରୀଙ୍କୁ ଉଦ୍ଧାର କରାଯାଇପାରିନଥିବାରୁ ତାଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି ।