ରାୟଗଡା: ସରକାରଙ୍କ ମାଓ ଦମନ ଅଭିଯାନ ଓ ଫାଶୀବାଦୀ ଶାସନ ଅଭିଯାନକୁ ବିରୋଧ କରି ମାଓବାଦୀଙ୍କ ପକ୍ଷରୁ ଓଡିଶା ଏବଂ ପୂର୍ବ ଛତିଶଗଡ ବନ୍ଦ ଡାକରା ଦେଇଛି ସିପିଆଇ ମାଓବାଦୀ ସଙ୍ଗଠନ । ରାୟଗଡା ଜିଲ୍ଲାରେ ସକ୍ରୀୟ ଥିବା ବାଂଶଧାରା ଘୁମୁସର ନାଗାବଳି ଡଭିଜନର ସିପିଆଇ ମାଓବାଦୀ ସଙ୍ଗଠନ ସମ୍ପାଦିକା ମିତା ପୂର୍ବରୁ ଏକ ଅଡିଓଟେପ ଜାରି ଏହି କରି ବନ୍ଦ ଡାକରା ଦେଇଥିଲେ ।
ମାଓବାଦୀଙ୍କ ବନ୍ଦ ଡାକରା
ତେବେ ଏହାକୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଇଛି । ଏଥିପାଇଁ ରାୟଗଡା ଜିଲ୍ଲା ପୁଲିସ ପ୍ରଶାସନ ସମ୍ପୂର୍ଣ୍ଣ ପ୍ରସ୍ତୁତ ରହିଥିବା କହିଛନ୍ତି ରାୟଗଡ଼ା ଏସପି ଶ୍ରବଣ ବିବେକ.ଏମ । ଜିଲ୍ଲାର ସବୁ ସମ୍ବେଦନଶୀଳ ଅଞ୍ଚଳ ଗୁଡିକରେ କୁମ୍ବିଂ ଅପରେସନ ଜୋରଦାର କରାଯିବା ସହ ସର୍ଚ୍ଚ ଅପରେସନ ଜାରି ରହିଛି । ହେଲେ ମୋଟାମୋଟି କହିବାକୁ ଗଲେ ରାୟଗଡାରେ ବନ୍ଦର କିଛି ପ୍ରଭାବ ପଡିପାରି ନାହିଁ ।