ରାୟଗଡା: ଜିଲ୍ଲା କାଶୀପୁର ବ୍ଲକ ଅଙ୍ଗଦ କଲୋନୀ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଦୁଇ ଜଣଙ୍କ ମୃତ୍ୟୁ । ଅନ୍ୟ ଦୁଇ ଗୁରୁତରଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି । ବାଇକ ଉପରେ ବୋଲେରୋ ମାଡିଯିବାରୁ ଏପରି ଦୁର୍ଘଟଣା ଘଟିଛି ।
Accident In Rayagada: ମାଆ-ପୁଅ ମୃତ, 2 ଗୁରୁତର
ସୂଚନା ଅନୁଯାୟୀ, ମଙ୍ଗଳବାର ସକାଳୁ ଭବାନୀପାଟଣା ପଟରୁ ଦ୍ରୁତ ଗତିରେ ଆସୁଥିବା ଏକ ବୋଲେରୋ ବାଇକ ଯୋଗେ କାଶୀପୁର ଠାରୁ ଯାଉଥିବା 3 ବାଇକ ଆରୋହୀଙ୍କ ଉପରେ ମାଡିଯାଇ ଏକ ଖାଲକୁ ଓଲଟି ପଡିଥିଲା । ଫଳରେ ଘଟଣାସ୍ଥଳରେ ପୁଅର ମୃତ୍ୟୁ ଘଟି ଥିବାବେଳେ ମାଆଙ୍କୁ ଗୁତୁରକ ଅବସ୍ଥାରେ କାଶୀପୁର ମେଡିକାଲ ନେବା ସମୟରେ ମୃତ୍ୟୁ ଘଟିଛି । ଏଥିସହ ବାଇକ୍ ଆରୋହୀ ଏବଂ ବୋଲେରୋ ଡ୍ରାଇଭର ଗୁରୁତର ଆହତ ହୋଇଛନ୍ତି । ସେମାନଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି ।