ଜଳଛୟା ପ୍ରକଳ୍ପ ଡ୍ୟାମରେ ବୁଡି ନାବାଳକ ନିଖୋଜ

କାଶୀପୁର ବ୍ଲକ ଅନ୍ତର୍ଗତ ମାଇକଞ୍ଚ ପଞ୍ଚାୟତ ପୋଡାପଦର ଗ୍ରାମର ଅଘଟଣ । ହରେକୃଷ୍ଣ ଝୋଡ଼ିଆ ନିଜ ଗ୍ରାମ କାନ୍ଦୁଲ ଭଜା କ୍ଷୁଦ୍ର ଜଳଛୟା ପ୍ରକଳ୍ପ ଡ୍ୟାମକୁ ଗାଧୋଇବାକୁ ଯାଇ ଗୋଡ ଖସିଯିବାରୁ ଗଭୀର ଜଳକୁ ଚାଲିଯାଇଥିଲେ । ଅଧିକ ପଢନ୍ତୁ

ରାୟଗଡା: କାଶୀପୁର ବ୍ଲକ ଅନ୍ତର୍ଗତ ମାଇକଞ୍ଚ ପଞ୍ଚାୟତ ପୋଡାପଦର ଗ୍ରାମର ଅଘଟଣ । ହରେକୃଷ୍ଣ ଝୋଡ଼ିଆ ନିଜ ଗ୍ରାମ କାନ୍ଦୁଲ ଭଜା କ୍ଷୁଦ୍ର ଜଳଛୟା ପ୍ରକଳ୍ପ ଡ୍ୟାମକୁ ଯାଇ ଗାଧୋଇବା ସମୟରେ ଗୋଡ ଖସିଯିବା ଫଳରେ ଗଭୀର ଜଳକୁ ଚାଲିଯାଇଥିଲେ । ସେହି ସମୟରେ କିଛି ଲୋକ ତାଙ୍କ ଚିତ୍କାର ଶୁଣି ପାଖ ଆଖରେ ଥିବା ଗ୍ରାମବାସୀଙ୍କୁ ଖବର ଦେଇଥିଲେ । ଗ୍ରାମବାସୀ ପହଞ୍ଚିବା ପୂର୍ବରୁ ହରେକୃଷ୍ଣ ପାଣି ଭିତରରେ ବୁଡ଼ି ଯାଇଥିଲେ ।

ବହୁ ଖୋଜା ଖୋଜି ପରେ ହରେକୃଷ୍ଣଙ୍କ କୌଣସି ପତା ନମିଳିବାରୁ ଗ୍ରାମବାସୀ ମାନେ ତୁରନ୍ତ ପୋଲିସ ଏବଂ କାଶୀପୁର ବ୍ଲକ ସଦର ମହକୁମାରେ ଅବସ୍ଥିତ ଦମକଳ ବାହିନୀକୁ ସୂଚନା ଦେଇଥିଲେ । ସୂଚନା ପାଇବା ପରେ ଦମକଳ ବାହିନୀ ତୁରନ୍ତ ତାଙ୍କ ଟିମ୍ ସହ ଡ୍ୟାମ ନିକଟରେ ପହଞ୍ଚି ଖୋଜାଖୋଜି ପରେ ମଧ୍ୟ ହରେକୃଷ୍ଣଙ୍କ ପତ୍ତା ମିଳିନାହିଁ ।

ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ