ଭ୍ରାମ୍ୟମାଣ ସ୍ବାସ୍ଥ୍ୟ ଗାଡ଼ିରେ ଡାକ୍ତରଙ୍କ ଜୁଆଖେଳ

ସେବା ପ୍ରଦାନ କରିବା ବଦଳରେ ଜୁଆ ଖେଳ । ପୁଣି ଭ୍ରାମ୍ୟମାଣ ସ୍ବାସ୍ଥ୍ୟସେବା ଗାଡ଼ି ମଧ୍ୟରେ । ଫାର୍ମାସିଷ୍ଟ ଓ ସେବିକାକୁ ଧରି ଜୁଆଖେଳରେ ମାତିଛନ୍ତି ଡାକ୍ତର । ଯାହା ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି ।

ରାୟଗଡ଼ା: ହାତ ପାହାନ୍ତାରେ ସ୍ବାସ୍ଥ୍ୟ ସେବା ଯୋଗାଇବା ପାଇଁ ଆରମ୍ଭ ହୋଇଥିଲା ଭ୍ରାମ୍ୟମାଣ ସ୍ବାସ୍ଥ୍ୟ ଯୋଜନା । ପ୍ରତି ଗାଁର ଲୋକଙ୍କୁ ଯୋଗାଇ ଦିଆଯିବ ଚିକିତ୍ସା । ସେଥିପାଇଁ ଡାକ୍ତର, ଫାର୍ମାସିଷ୍ଟ ଓ ସେବିକାକୁ ଧରି ଗାଁ ବୁଲିଛି ସ୍ବାସ୍ଥ୍ୟ ବିଭାଗର ଏହି ଗାଡ଼ି ।

କିନ୍ତୁ ଅପହଞ୍ଚ ଅଞ୍ଚଳରେ ସେବା ଯୋଗାଇବା ପରିବର୍ତ୍ତେ ମଉଜ କରିବାରେ ମାତିଛନ୍ତି ଏହି ଟିମ୍ । ଗାଡ଼ି ଭିତରେ ଜୁଆ ଖେଳୁଥିବା ନେଇ ଏକ ଭିଡ଼ିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି ।

ସ୍ବାସ୍ଥ୍ୟ ବିଭାଗର ଏପରି ଖାମଖିଆଲି ନୀତି ଏବେ ଦାଣ୍ଡରେ ପଡ଼ି ହାଟରେ ଗଡ଼ୁଛି । ରାୟଗଡା ଜିଲ୍ଲା ବିଷମକଟକ ବ୍ଲକର କୁରଲି ଅଞ୍ଚଳର ଘଟିଥିବା ଏହି ଭିଡ଼ିଓ ଭାଇରାଲ ପରେ ଅସଲ ଚିତ୍ର ସାମ୍ନାକୁ ଆସିଛି । କର୍ମଚାରୀଙ୍କ ଦାୟିତ୍ବହୀନତାକୁ ସାର ଜିଲ୍ଲାରେ ପ୍ରଶ୍ନବାଚୀ ସୃଷ୍ଟି ହୋଇଛି । ସ୍ବାସ୍ଥ୍ୟ ବିଭାଗ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ ।

ରାୟଗଡ଼ାରୁ ରଞ୍ଜନ କୁମାର ନାଥ, ଇଟିଭି ଭାରତ