ରାୟଗଡ଼ା:ଜିଲ୍ଲାରେ ଝିପି ଝିପି ବର୍ଷା ହୋଇଛି କାଳ । ବର୍ଷା ସାଙ୍ଗକୁ ପବନ ହେବା ଦ୍ବାରା ଜିଲ୍ଲାରେ ଅନେକ ବଡ଼ ବଡ଼ ଗଛ ଭାଙ୍ଗି ପଡ଼ିଥିବା ଦେଖିବାକୁ ମିଳିଛି । ଗଛ ପଡ଼ି ଘର ଭାଙ୍ଗି ପଡ଼ିବା ପରେ ୫ ଆହତଙ୍କୁ ମେଡିକାଲରେ ଭର୍ତ୍ତି କରାଯାଇଥିବା ସୂଚନା ମିଳିଛି । ଘଟଣା ଘଟିଛି ରାୟଗଡା ଗଜପତି ଜିଲ୍ଲା ସୀମାନ୍ତ ଗରଡ଼ମା ଗାଁରେ ।
ଝିପି ଝିପି ବର୍ଷାରେ ଗଛ ପଡ଼ି ଭାଙ୍ଗିଲା ଘର, ୫ ଆହତଙ୍କୁ ମେଡିକାଲରେ ଭର୍ତ୍ତି
ଗତ କାଲି ମଧ୍ୟ ରାତିରେ ଝିପିଝିପି ବର୍ଷା ଯୋଗୁଁ ଏକ ବିରାଟକାୟ ଗଛ ପଡିବାରୁ ଗରଡ଼ମା ଗାଁରେ ଚାରୋଟି ଘର ଭାଙ୍ଗିବା ସହ ଅଳ୍ପକେ ବର୍ତ୍ତି ଯାଇଛନ୍ତି ଚାରି ପରିବାର । ହେଲେ ଏହି ଚାରି ପରିବାରର ପାଞ୍ଚ ଜଣ ଆହତ ହୋଇ ରାୟଗଡା ଜିଲ୍ଲା ଚନ୍ଦ୍ରପୁର ମେଡିକାଲରେ ଭର୍ତ୍ତି ହୋଇଛନ୍ତି । ଘଟଣା ସ୍ଥଳରେ ରାୟଗଡା ଜିଲ୍ଲା ଚନ୍ଦ୍ରପୁର ଅଗ୍ନିଶ୍ରମ ବିଭାଗ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିବା ସହ ଆହାତ ୫ ଜଣଙ୍କୁ ଚନ୍ଦ୍ରପୁର ମେଡିକାଲରେ ଭର୍ତ୍ତି କରାଯାଇଛି ।