ରାୟଗଡା: ଦୁର୍ଗମ ଅଞ୍ଚଳରେ ବଣ୍ଟାଯାଉଛି ସଚେତନତାର ବାର୍ତ୍ତା, ସହର ଚାରିଆଡେ ଲାଗିଛି ନାକାବନ୍ଦି ।ଏହା କୌଣସି ଯାନି ଯାତ୍ରା କି ପୂଜା ପାଇଁ ଘଣ୍ଟା ବାଜୁନି ବରଂ ମହାମାରୀ କୋରୋନାକୁ ନେଇ ଲୋକଙ୍କ ଘରଘର ବୁଲି ଅଙ୍ଗନବାଡି ଏବଂ ଆଶାକର୍ମୀ ମାନେ ସଚେତନ କରୁଛନ୍ତି ।
ଦୁର୍ଗମ ଅଞ୍ଚଳରେ ଚାଲିଛି ସଚେତନତାର ବାର୍ତ୍ତା, ସହର ଚାରିଆଡେ ଲାଗିଛି ନାକାବନ୍ଦି
ଉପାନ୍ତ ପାହାଡ ପର୍ବତ ଘେରା ରାୟଗଡା ଜିଲ୍ଲାରେ ମହାମାରୀ କରୋନା ମୁକାବିଲା ପାଇଁ ଗାଁ ଠାରୁ ସହର ପର୍ଯ୍ୟନ୍ତ ସବୁଠି କରୋନାକୁ ନେଇ ଲୋକଙ୍କ ମଧ୍ୟରେ ଭୟାବହତା ପ୍ରକାଶ ପାଇଛି । ସବୁଠି ଛାଇଯାଇଛି ନିସ୍ତବ୍ଧତା , କେବଳ ସହର ନୁହେଁ ଗାଁ ଗଣ୍ଡାରେ ଚାଲିଛି ସଚେତନତା କାର୍ଯ୍ୟକ୍ରମ । ମହାମାରୀ କୋରୋନାକୁ ନେଇ ଲୋକଙ୍କୁ ବିଭିନ୍ନ ପ୍ରକାରର ସଚେତନତା କରାଯାଉଛି । ସାରା ଭାରତରେ ୨୧ଦିନ ଧରି ଲକ ଡାଉନ ଘୋଷଣା କରିବା ପରେ ସାମାଜିକ ଦୂରତା ବଜାୟ ରଖିବା ପାଇଁ ଅଣ୍ଟା ଭିଡିଛି ଜିଲ୍ଲା ପ୍ରଶାସନ ।