ଲକଡାଉନରେ ମଦ ଚାଲାଣ, ବିପୁଳ ପରିମାଣର ଦେଶୀ ମଦ ଓ ପୋଚ ନଷ୍ଟ

ଲକଡାଉନ ସତ୍ତ୍ବେ ରାଜ୍ୟର ବିଭିନ୍ନ ସ୍ଥାନରେ ଜାରି ରହିଛି ଚୋରା ମଦ ଚାଲାଣ ଓ ପ୍ରସ୍ତୁତି । ଏନେଇ ରାୟଗଡା ଜିଲ୍ଲାରେ ବେଆଇନ ଭାବେ ଚାଲିଥିବା ଦେଶୀ ଓ ବିଦେଶୀ ମଦ ଚାଲାଣକୁ ରୋକିବା ପାଇଁ ଜିଲ୍ଲା ପୋଲିସ ପକ୍ଷରୁ ଆରମ୍ଭ ହୋଇଛି ଅଭିଯାନ । ଅଧିକ ପଢ଼ନ୍ତୁ...

ରାୟଗଡା: ଲକଡାଉନ ସତ୍ତ୍ବେ ରାଜ୍ୟର ବିଭିନ୍ନ ସ୍ଥାନରେ ଜାରି ରହିଛି ଚୋରା ମଦ ଚାଲାଣ ଓ ପ୍ରସ୍ତୁତି । ଏନେଇ ରାୟଗଡା ଜିଲ୍ଲାରେ ବେଆଇନ ଭାବେ ଚାଲିଥିବା ଦେଶୀ ଓ ବିଦେଶୀ ମଦ ଚାଲାଣକୁ ରୋକିବା ପାଇଁ ଜିଲ୍ଲା ପୋଲିସ ପକ୍ଷରୁ ଆରମ୍ଭ ହୋଇଛି ଅଭିଯାନ । ଜିଲ୍ଲା ଆରକ୍ଷୀ ଅଧିକ୍ଷକ ଏମ୍‌ ଶ୍ରବଣ ବିବେକଙ୍କ ପ୍ରତ୍ୟକ୍ଷ ତତ୍ତ୍ବାବଧାନରେ ଅବକାରୀ ଏବଂ ପୋଲିସ ବିଭାଗ ଚୋରା ମଦ ଆଡ୍ଡାସ୍ଥଳୀ ଉପରେ ଚଢାଉ ଆରମ୍ଭ କରିଛି ।

ଏହି କ୍ରମରେ ରାୟଗଡା ଜିଲ୍ଲାର ଶିମାନ୍ତର ବାରିଝୋଲା, ମାଲିଗାଁରେ ଚଢାଉ କରାଯାଇଥିଲା । ଯେଉଁଥିରେ 2300 ଲିଟର ପୋଚ ଓ 300 ଲିଟର ଦେଶୀ ମଦ ଜବତ କରାଯାଇଛି । ଏଥିସହ ଜବତ ପୋଚ ଓ ଦେଶୀ ମଦକୁ ସେଠାରେ ହିଁ ନଷ୍ଟ କରିଦିଆଯାଇଛି । ତେବେ ଏହି ମାମଲାରେ କେହି ଗିରଫ ହୋଇନଥିବା ସ୍ପଷ୍ଟ କରିଛନ୍ତି ରାୟଗଡା ଏସପି ଡ଼ଃ ଏମ ଶ୍ରବଣ ବିବେକ ।

ରାୟଗଡାରୁ ରଞ୍ଜନ ରଥ, ଇଟିଭି ଭାରତ