ରାୟଗଡା: ପରିବହନ ବିଭାଗ ପକ୍ଷରୁ ଟ୍ରକକୁ ଜବତ ପରେ ମିଳିଛି ପ୍ରମାଣ ପତ୍ର । ଆଉ ଏହି ପ୍ରମାଣପତ୍ର ମିଳିବା ପରେ ରାୟଗଡ ସହରର ମା‘ ମଝିଘରିଆଣୀ ମୋବାଇଲ ପଲ୍ୟୁସନ ଟେଷ୍ଟିଂ ନାମକ ଏକ ଏଜେନ୍ସିର ଚୁକ୍ତି ପ୍ରମାଣପତ୍ରକୁ ଆସନ୍ତା ତିନି ମାସ ପାଇଁ ବାତିଲ କରିଛନ୍ତି ରାୟଗଡ ଜିଲ୍ଳା ଆଞ୍ଚଳିକ ପରିବହନ ଅଧିକାରୀ ଦିଲିପ କୁମାର ବେହେରା ।
ଭୁଲ ପ୍ରମାଣପତ୍ର ଦେବା ପଡିଲା ମହଙ୍ଗା, ଲାଇସେନ୍ସ ତିନି ମାସ ପାଇଁ ବାତିଲ
ମିଳିଥିବା ସୂଚନା ଅନୁସାରେ ଗତ ମାର୍ଚ୍ଚ ୩ ତାରିଖ ଦିନ ଗଜପତି ପରିବହନ ବିଭାଗ ପକ୍ଷରୁ ରାୟଗଡର ଏକ ଟ୍ରକ (ଓଆର୧୮ସି-୩୮୩୭)କୁ ଯାଞ୍ଚ ସମୟରେ ଅନେକ କାଗଜପତ୍ର ନଥିବାରୁ ଜବତ କରାଯାଇଥିଲା । ଗଜପତି ପରିବହନ ନିରୀକ୍ଷକ ସକାଳ ୯.୨୮ ମିନିଟରେ ଟ୍ରକଟିକୁ ଜବତ କରିଥିବା ବେଳେ ସେହିଦିନ ସନ୍ଧ୍ୟା ୫.୨୯ ମିନିଟରେ ରାୟଗଡର ମା’ମଝିଘରିଆଣୀ ମୋବାଇଲ ପଲ୍ୟୁସନ ଟେଷ୍ଟିଂ ଏଜେନ୍ସି କର୍ତ୍ତୁପକ୍ଷ ଜବତ ଟ୍ରକର ପ୍ରମାଣପତ୍ର ପ୍ରଦାନ କରିଥିଲେ ।