ରାୟଗଡା:ପ୍ରକୃତି ପ୍ରତି ଏମାନଙ୍କର ରହିଛି ସ୍ଵତନ୍ତ୍ର ଅବଦାନ । ପରମ୍ପରା, ରୀତିନୀତି, ବେଶଭୂଷା, ପରିପାଟି ଏହି ସବୁ ଏମାନଙ୍କୁ ଅନ୍ୟ ଠାରୁ କରେ ଭିନ୍ନ । ସୋପାନ ପ୍ରଣାଳୀରେ ଚାଷ କାର୍ଯ୍ୟ ହେଉ କି ଇଡତାଲ ଚିତ୍ରକଳା, ବିଶ୍ଵରେ ନିଜର ଏକ ଅଲଗା ପରିଚୟ ସୃଷ୍ଟି କରିପାରିଛନ୍ତି ସଉରା ଜନଜାତିର ମୁଖ୍ୟ ଉପଜାତି ଲାଞ୍ଜିଆ ଜନଜାତି । ଏମାନେ ମୁଖ୍ୟତଃ ରାୟଗଡାର ଗୁଣପୁର ଏବଂ ଗଜପତିର ଗୁମ୍ମା ବ୍ଲକରେ କେଉଁ ଆବାହମାନ କାଳରୁ ବସବାସ କରି ଆସୁଛନ୍ତି ।
ପ୍ରକୃତିର ଭୂମିପୁତ୍ର ଲାଞ୍ଜିଆ ସଉରା; ସ୍ବତନ୍ତ୍ର ବେଶଭୂଷା ପାଇଁ ବିଶ୍ବରେ ପରିଚିତ
ଏହି ଜନଜାତିର ପୁରୁଷମାନେ ପିନ୍ଧୁଥିବା ପାରମ୍ପାରିକ ବସ୍ତ୍ର ଅଣ୍ଟାରୁ ତଳକୁ ଅଳ୍ପ ଝୁଲିରହୁଥିବା ବେଳେ, ପଛ ପାଖକୁ ଲାଞ୍ଜ ଭଳି ଲମ୍ବିଥାଏ। ଏମାନଙ୍କର ବେଶଭୁଷା ହିଁ ତାଙ୍କୁ ଲାଞ୍ଜିଆ ସଉରାର ପରିଚୟ ପ୍ରଦାନ କରିଛି। ମୁଣ୍ଡରେ ବଗ ପରର ଟୋପି ତାଙ୍କୁ ଆକର୍ଷଣୀୟ କରି ଗଢ଼ିତୋଳେ।