ରାୟଗଡା: ଦୁର୍ଘଟଣାକୁ ଏଡାଇବା ପାଇଁ ସରକାର ନିୟମ କଡାକଡି କରିବା ସହ ଟ୍ରାଫିକ ସିଗନାଲର ବ୍ୟବସ୍ଥା ମଧ୍ୟ ହୋଇଛି । ଯାହାଦ୍ବାରା ପ୍ରତିଦିନ ହେଉଥିବା ଦୁର୍ଘଟଣାକୁ ଏଡାଯାଇ ପାରିବ । ମାତ୍ର ରାୟଗଡା ଜିଲ୍ଲାରେ କୌଣସି ଟ୍ରାଫିକ ସିଗନାଲ କାମ କରୁନି ।
ରାୟଗଡାରେ ସମ୍ପୁର୍ଣ୍ଣ ଭୁଷୁଡି ପଡିଛି ଟ୍ରାଫିକ ବ୍ୟବସ୍ଥା
ଦୀର୍ଘ 2 ବର୍ଷ ହେବ ରାୟଗଡାରେ ଏଭଳି ସ୍ଥିତି ଥିବାବେଳେ ଟ୍ରାଫିକ ବ୍ୟବସ୍ଥା ସମ୍ପୂର୍ଣ୍ଣ ଭୁଷୁଡି ପଡିଛି । ଯେଉଁଥିପାଇଁ ଜଣେ ସାଧାରଣ ଲୋକ ପ୍ରତିଦିନ ଦୁର୍ଘଟଣାର ସମ୍ମୁଖୀନ ହେବା ସହ ମୃତ୍ୟୁମୁଖରେ ପଡୁଛନ୍ତି । ଯାହା ଅତ୍ୟନ୍ତ ଦୁର୍ଭାଗ୍ୟଦନକ ବୋଲି ସ୍ଥାନୀୟ ବାସିନ୍ଦା କହିଛନ୍ତି ।
ଶିଳ୍ପାୟନର ସହର ରାୟଗଡାରେ ଜନସଂଖ୍ୟା 1 ଲକ୍ଷରୁ ଊର୍ଦ୍ଧ୍ବ ରହିଥିବାବେଳେ ଜିଲ୍ଲା ସଦର ମହକୁମା ରାୟଗଡା ଦେଇ ଯାଇଛି 326 ନମ୍ବର ଜାତୀୟ ରାଜପଥ । ଯେଉଁ ରାସ୍ତା ଅତି ଜନଗହଳିପୂର୍ଣ୍ଣ । ଏହି ରାସ୍ତାରେ ପ୍ରତିଦିନ ଶହଶହ ଭାରିଯାନ, ଚାରି ଚକିଆ ଏବଂ ଦୁଇ ଚକିଆ ଯାନ ଯାତାୟାତ କରେ ।