ରାୟଗଡା: ଲଘୁଚାପ ଜନିତ ବର୍ଷାରେ ରାୟଗଡା ଜିଲ୍ଲା ଗୁଣପୁର ବ୍ଲକର ପାହାଡିଆ ଅଞ୍ଚଳରେ ବ୍ୟାପକ କ୍ଷୟକ୍ଷତି ହୋଇଛି । ବର୍ଷା ପାଣିରେ ସବୁଆଡେ ସ୍ଥିତି ବେହାଲ । ନଦୀ ନାଳରେ ପ୍ରବଳ ପାଣି । ଏପରି ସ୍ଥିତିରେ ଗୋଟିଏ ଛୁଆ ହାତୀରେ ପାଣିରେ ଭାସି ଯାଉଥିବା ଦେଖିବାକୁ ମିଳିଛି ।
ବନ୍ୟା ପ୍ରଭାବରେ ଖଇରା ନଦୀରେ ଭାସିଗଲା ହାତୀ ଛୁଆ
ପ୍ରଥମ ଲଘୁଚାପ ଜନିତ ବର୍ଷା ଏହି ଅଞ୍ଚଳରେ ବ୍ୟାପକ କ୍ଷତି ଘଟାଇଛି । ଭୀମପୁର ଠାରେ ଥିବା ଉନ୍ନିତ ଉଚ୍ଚ ବିଦ୍ୟାଳୟରେ ପାଣି ପଶିଛି । ପିଠାଗୁଡିରେ ହଷ୍ଟେଲରେ ଥିବା ପିଲାମାନେ ଅକଥନୀୟ ସମସ୍ୟାର ସମ୍ମୁଖୀନ ହୋଇଥିଲେ । ଗାଁ ପାଖରେ ଥିବା ଏକ ନାଳରେ ଆଡିବନ୍ଧ ଭାଙ୍ଗିଯିବାରୁ ବିଳମ୍ବିତ ରାତିରେ ପାଣି ସ୍କୁଲ ଭିତରେ ପଶିଯାଇଥିଲା । ପିଲାମାନେ ସେହି ସମୟରେ ସେଠାରେ ରହୁଥିଲେ । ଖବର ପାଇ ଲୋକମାନଙ୍କ ସହ ଶିକ୍ଷକ ମାନେ ପିଲାଙ୍କୁ ଉଦ୍ଧାର କରି ସୁରକ୍ଷିତ ସ୍ଥାନକୁ ନେଇଥିଲେ । ସ୍କୁଲ ଭିତରେ ଥିବା ଆସବାତ୍ର ଭାସିଯିବା ସହ ଚାଉଳ ବସ୍ତା ଗୁଡିକ ପାଣିରେ ଭିଜି ଯାଇଥିଲା ।