ରାୟଗଡା:ନିୟମଗିରିରେ ଏବେ ରାଜୁତି କରୁଛି ଶୀତ । ସନ୍ଧ୍ୟା ନଇଁ ଆସିଲେ ବଦଳୁଛି ଅଞ୍ଚଳର ଚିତ୍ର । ଆବାଳ ବୃନ୍ଧ ବନିତାଙ୍କ ସାହାରା ପାଲଟିଛି ‘ନିଆଁ’ । ସମୁଦ୍ର ପତନ ଠାରୁ ୪୫୦୦ ଫୁଟ ଉଚ୍ଚରେ ରହିଛି ପ୍ରକୃତିର ଭୁଃସ୍ୱର୍ଗ ତଥା ଆଦିମ ଜନଜାତି ଡ଼ଙ୍ଗରିଆଙ୍କ ବାସ ସ୍ଥଳୀ ନିୟମଗିରିର ଏହି ଖମ୍ବେଶୁ ଗାଁ ।
ଜାଡରେ ଜଡସଡ ନିୟମଗିରୀ, ଡଙ୍ଗରିଆଙ୍କ ଶୀତ ଛଡାଉଛି ନିଆଁ ଉମ୍ଭେଇ
ଏଠାରେ ବର୍ଷା ଯେମିତି ଶୀତ ମଧ୍ୟ ଠିକ ସେମିତି ଅନୁଭବ ହୁଏ । ପାହାଡ ଉପରୁ ଝରୁଥିବା ଝରଣାର ପ୍ରଭାବରେ ଅନୁଭୁତ ହୁଏ କୋହଲିଆ ପବନ । ଶୀତ ଦିନର କଅଁଳିଆ ଖରାରେ ଦିନ ତମାମ ଡ଼ଙ୍ଗରରେ ଖଟି ସନ୍ଧ୍ୟାରେ ଘରକୁ ଫେରିବା ପରେ ହାଡଭଙ୍ଗା ଶୀତ ସତେ ଯେମିତି ଅସ୍ତବ୍ୟସ୍ଥ କରି ପକାଇଥାଏ ଡଙ୍ଗରିଆ ଜନ ଜୀବନକୁ । ଶୀତ ଦାଉରୁ ରାକ୍ଷା ପାଇବା ପାଇଁ ଏକ ମାତ୍ର ସାହାରା ପାଲଟିଛି ନିଆଁ । ଯାହା ଦେଖିବାକୁ ମିଳେ ପ୍ରତ୍ୟେକ ଡଙ୍ଗରିଆଙ୍କ ଘର ଅଗଣାରେ ।